Join

Gazeta Express - Latest News Tracking & Analysis

Latest News Politics , Business , Finance , Technology , World News & Opinion & Tracking & Analysis.

Kosovo
Website
🌐 albanian
World
#205
Gazeta Express

Gazeta Express

Primary focus: World

Recent Reportage

Latest coverage from Gazeta Express

I dërgojnë vazhdimisht fotografi me Elijonën, reagon ish-partnerja italiane e Klodit

Pas përfundimit të Big Brother VIP Kosova 4, rrugët e Klodian Mihajt dhe Alice Masellit u ndanë, duke i dhënë fund lidhjes së tyre që kishte vazhduar edhe gjatë kohës sa ai ishte pjesë e formatit. Gjatë qëndrimit në shtëpinë më të famshme në vend, marrëdhënia e Klodit me partneren italiane ishte një nga arsyet që e bënte të hezitonte të krijonte një lidhje më të afërt me Elijona Binakajn. Megjithatë, pas daljes nga formati dhe përfundimit të raportit me Alicen, ai dhe Elijona vendosën ta vazhdojnë njohjen jashtë kamerave, duke e konfirmuar publikisht romancën e tyre. Foto: Instagram Së fundmi, publikimi i një fotografie ku Klodi dhe Elijona shfaqen duke u puthur ka nxitur reagime të shumta në rrjetet sociale. Shumë përdorues të TikTok-ut kanë shpërndarë imazhin edhe në profilin e Alice, duke e etiketuar dhe komentuar vazhdimisht. Përballë kësaj situate, Alice ka vendosur të reagojë publikisht, duke u kërkuar ndjekësve të ndalojnë përfshirjen e saj në historinë e ish-partnerit. “Njerëz, sinqerisht jeni bërë të padurueshëm. Keni zero respekt, shkoni dhe komentoni në TikTok-et e tyre dhe jo në të miat. Unë kam ecur përpara, faleminderit, theksoi mes tjerash. /Telegrafi/ The post I dërgojnë vazhdimisht fotografi me Elijonën, reagon ish-partnerja italiane e Klodit appeared first on Gazeta Express.

7 hours ago

Ardian Gjini: Gjendja në Pediatri është dështim total i sistemit, dorëheqje e menjëhershme për ministrin dhe drejtorin

Kryetari i Aleancës, Ardian Gjini, ka reaguar ndaj skandalit të fundit në Klinikën e Pediatrisë në QKUK, duke e cilësuar situatën si një dështim komplet të sistemit shëndetësor. Në deklaratën e tij të dhënë në emisionin Pressing, Gjini u rreshtua në krah të qytetarëve, duke vlerësuar lart denoncimin e nënës që publikoi pamjet nga spitali, ndërsa kritikoi ashpër masat e marra nga drejtoria për suspendimin e stafit të mesëm mjekësor. Sipas kryetarit të Aleancës, kushtet brenda klinikës reflektojnë një realitet të hidhur të cilin institucionet po tentojnë ta fshehin përmes ndëshkimit të punëtorëve të thjeshtë. Ai ka numëruar një varg dështimesh flagrante, duke potencuar hapur gjendjen aktuale. Nuk ka pej, as barna esenciale, dyshekët me 10 vjet të vjetër, janë të palyera dhomat, nuk ka ujë në shumicën e dhomave, pikë tavani. Gjini ka ngritur pikëpyetje të mëdha mbi destinacionin e buxhetit të shtetit duke pyetur publikisht: 400 milionë ku janë tu shku, a i intereson dikujt?, tha Gjini në Pressing. Më tej, kryetari i Aleancës e ka quajtur të papranueshme tendencën për të shkarkuar fajin tek infermierët dhe mbikëqyrësit. Ai ka deklaruar se suspendimi i tyre është bërë vetëm për të mbuluar problemin e madh që ka ngritur një zonjë qytetare e përgjegjshme, duke shtuar se përgjegjësia duhet të jetë krejtësisht morale dhe menaxheriale në nivelet më të larta. Nëse kishte ndodhë një aksident, ish kan marre unë me dalë me thanë drejtori e ministri me dhanë dorëheqje, por po ju garantoj që krejt dyshekët janë qesi, pos ato dy dhoma që i ka pre shiritat krejt janë të njëjtë tjerat. Në përmbyllje, Gjini ka theksuar se kjo situatë nuk mund të fshihet pas vendimeve disiplinore ndaj stafit të mesëm, sepse kjo piramidë dështimi shkon deri në majat e saj drejtuese. Ai ka sqaruar se nëse ministri dhe drejtori nuk e kanë ditur se në çfarë gjendje të tmerrshme ndodhet spitali, ata duhet të japin dorëheqje menjehere. A po dojnë me thanë që drejtori e ministri se kanë ditë? Këta duhet me dhanë dorëheqje, sepse nëse nuk e kanë ditë janë të paaftë me kry punën, nëse e kanë ditë e s'kanë bo kurgjo nuk po u intereson, shkon kjo piramidë. Për këtë arsye, ai ka përsëritur se situata në Pediatri nuk është një moment i izoluar, por një gjendje komplet dështim, përfundoi Gjini. The post Ardian Gjini: Gjendja në Pediatri është dështim total i sistemit, dorëheqje e menjëhershme për ministrin dhe drejtorin appeared first on Gazeta Express.

7 hours ago

Bayerni bën lëvizje për shërbimet e yllit të Barcelonës

Bayern Munichu raportohet se ka shtuar interesimin për mbrojtësin e Barcelonës, Jules Kounde, teksa synon të përforcojë repartin defensiv për sezonin e ri. Gjiganti bavarez ka bërë edhe kontaktet e para zyrtare pas paraqitjeve të shkëlqyera të francezit në Kupën e Botës këtë verë. Sipas “BILD”, Bayerni ka hyrë në garën për Kounde dhe ditët e fundit ka kontaktuar njerëzit e afërt të lojtarit për të diskutuar mundësinë e një transferimi në “Allianz Arena”. Klubi gjerman dëshiron të mësojë më shumë rreth situatës kontraktuale të mbrojtësit dhe gatishmërisë së tij për t’u larguar nga Barcelona pas një sezoni me ulje-ngritje në “Camp Nou”. Megjithatë, burime pranë lojtarit bëjnë të ditur se prioriteti i Kounde mbetet qëndrimi te Barcelona. Pas paraqitjeve shumë të mira në Kupën e Botës, mbrojtësi është i vendosur të luftojë për vendin e titullarit dhe të dëshmojë vlerat e tij nën drejtimin e Hansi Flick. Deri tani nuk ka negociata zyrtare mes dy klubeve. Edhe pse Kounde vazhdon të konsiderohet një lojtar i rëndësishëm, ai nuk shihet më si i paprekshëm nga Barcelona. Për shkak të situatës financiare, drejtuesit katalanas janë të gatshëm të dëgjojnë oferta të mëdha për shumicën e futbollistëve, nëse vlerësimi ekonomik përmbushet. Brenda klubit kishte pasur pakënaqësi për mungesën e vazhdimësisë në paraqitjet e tij sezonin e kaluar, gjë që kishte nxitur diskutime për të ardhmen e tij. Megjithatë, performancat në Kupën e Botës kanë ndryshuar ndjeshëm perceptimin. Barcelona kishte ndërmarrë hapa për ta mbrojtur lojtarin edhe verën e kaluar, duke ia zgjatur kontratën deri në vitin 2030 për të shmangur interesimin e Manchester Cityt. Pep Guardiola ka qenë prej kohësh admirues i Kounde, çka bëri që klubi katalanas t’i përmirësonte kushtet e kontratës dhe ta siguronte për një periudhë afatgjatë. Tani, me Bayernin që ka hyrë seriozisht në garë, Barcelona përballet me dilemën nëse duhet ta shesë apo të vazhdojë të besojë se ai do ta transferojë edhe në nivel klubi formën e treguar me Francën. Kounde ka qenë një nga mbrojtësit më të mirë të Kupës së Botës 2026, duke u shndërruar në një titullar të padiskutueshëm në skuadrën e Didier Deschamps. Ish-lojtari i Sevillas ka ofruar siguri në mbrojtje së bashku me William Saliba dhe Dayot Upamecano, ndërsa aftësia e tij për të neutralizuar sulmuesit anësorë ka rikujtuar klubeve më të mëdha evropiane se ai mbetet një nga specialistët më të mirë në pozitën e tij. Kjo rikthim në formë është një lajm i mirë edhe për Barcelonën, pasi Kounde kishte kaluar një sezon me luhatje në nivel klubi. Edhe pse pati disa gabime që i kushtuan ekipit, paraqitjet me Francën e kanë rikthyer vlerën e tij në treg pranë shifrës prej 60 milionë eurosh. “Kam kontratë me Barcelonën deri në vitin 2030”, deklaroi së fundmi Kounde, duke riafirmuar angazhimin e tij afatgjatë ndaj projektit të klubit katalanas./GazetaExpress/ The post Bayerni bën lëvizje për shërbimet e yllit të Barcelonës appeared first on Gazeta Express.

7 hours ago

Publishing Activity

Daily article output trend

“Më thu që rryma është më lirë se në Gjermani – Po jetojmë në një epokë të rrenave të mëdha”, Ardian Gjini: Njerëzit e dijnë

Kreu i AAK-së, Ardian Gjini, deklaroi në Pressing në T7 se “Kosova është duke stagnuar në çdo proces”, krahasuar me vendet e tjera. “Neve na kushton energjia më shumë se të tjerëve dhe na thotë që energjia është më lirë se në Gjermani..” tha Gjini. Ai tha se dimrit “një familje ju shkon gjysma e të ardhurave vetëm me u nxeh...”. Duke shtuar se po jetojmë në “një epokë të rrenave të mëdha”. Video: The post “Më thu që rryma është më lirë se në Gjermani – Po jetojmë në një epokë të rrenave të mëdha”, Ardian Gjini: Njerëzit e dijnë appeared first on Gazeta Express.

7 hours ago

Parashikimi i motit për të martën

Të martën parashikohet të mbajë mot me diell dhe vranësira të pakta. Era do të fryjë kryesisht nga drejtimi i veriut, me shpejtësi prej 12-35 km/h. Temperaturat minimale do të lëvizin prej 12 deri në 16°C, ndërsa ato maksimale prej 27 deri në 31°C. /MeteoKosova/ The post Parashikimi i motit për të martën appeared first on Gazeta Express.

7 hours ago

Skandaloze, por e pritshme, Ministrja serbe: Po të kisha qenë në vend të Millosheviqit, do e kisha pastruar etnikisht Kosovën

Ministrja në Qeverinë e Serbisë, Snežana Paunović, ka shkaktuar reagime me një deklaratë të bërë gjatë një interviste për mediat serbe, ku ka folur për ish-presidentin serb, Sllobodan Millosheviq, dhe luftën në Kosovë. “Po të isha unë Sllobodan Millosheviq do ta kisha spastruar etnikisht Kosovën në vitin 1998”, një deklaratë skandaloze për shkak të referimit ndaj spastrimit etnik të shqiptarëve të Kosovës gjatë periudhës së luftës së viteve 1998–1999. Për deklaratën skandalzoe ka pasur shumë reagime. /Gazeta Express The post Skandaloze, por e pritshme, Ministrja serbe: Po të kisha qenë në vend të Millosheviqit, do e kisha pastruar etnikisht Kosovën appeared first on Gazeta Express.

7 hours ago

Gjini: Nuk kërkojmë nga Kurti përfshirjen e AAK-së në Qeveri, vetëm kemi kërkesa për të mirën e qytetarëve si pranimi i gazit amerikan

Kryetari i AAK-së, Ardian Gjini, ka thënë se partia e tij për zhbllokimin e institucioneve nuk ka pasur kërkesa, por ofertë për të mirën e qytetarëve. Ai ka thënë se në “Pressing” të T7, se kërkesë për Qeverinë ndër tjerash ka qenë edhe pranimii gazit amerikan. Gjini tha se nuk kanë kërkuar pjesëmarrje në Qeveri, por vetëm kërkesa strategjike për të ardhmen e Kosovës. “Ne nuk kemi vendosur kushte, ne kemi bërë një ofertë për me zhblloku situatën. Oferta jonë ka të bëjë me përmirësimin e jetës së qytetarëve dhe me rregullimin për procese strategjike për një të ardhme jo aq të largët. Kërkesa jonë për me pranu gazin amerikan, është kërkesë strategjike sepse nuk është kërkesë vetjake. Nuk kemi kërkuar pjesëmarrje në institucione”, ka thënë ai. /Gazeta Express The post Gjini: Nuk kërkojmë nga Kurti përfshirjen e AAK-së në Qeveri, vetëm kemi kërkesa për të mirën e qytetarëve si pranimi i gazit amerikan appeared first on Gazeta Express.

7 hours ago

DASH lanson fushatën kundër Gjykatës Penale Ndërkombëtare, thonë se duan t’ia pamundësojnë operimin

Departamenti Amerikan i Shtetit në njoftimin e publikuar në ueb-in e tij, thekson se sot, Sekretari i Shtetit Marco Rubio njoftoi një fushatë gjithëpërfshirëse “për të çmontuar kërcënimin që paraqet Gjykata Ndërkombëtare Penale ndaj sovranitetit të SHBA-së”. DASH njofton se fushata do të përfshijë një përgjigje të të gjithë qeverisë për të çaktivizuar sistematikisht aftësinë e GJPN-së për të vepruar, për të synuar ushtarakët ose zyrtarët amerikanë, ose për të kërcënuar në ndonjë mënyrë tjetër sovranitetin amerikan. “GJPN-ja përbën një kërcënim të patolerueshëm për sovranitetin e SHBA-së - ajo pretendon autoritetin për të ndjekur penalisht dhe madje për të burgosur ushtarakët dhe zyrtarët amerikanë që veprojnë në emër të interesit kombëtar të Amerikës. Amerikanët nuk e kanë nënshkruar kurrë këtë, dhe të gjithë presidentët amerikanë që nga ratifikimi i GJPN-së kanë pohuar se GJPN-ja nuk ka juridiksion mbi amerikanët. GJPN-ja më parë hapi një hetim ndaj ushtarakëve dhe oficerëve të inteligjencës amerikane dhe që atëherë ka refuzuar t'i mbyllë këto raste”, thuhet në reagim. “GJPN-ja tani kërkon të bëhet arbitri global i papërgjegjshëm - duke u pozicionuar mbi dhe përtej shtetit kombëtar si një krah zbatimi mbikombëtar i një burokracie globaliste të autorizuar për të persekutuar ushtarakët dhe zyrtarët amerikanë sipas dëshirës. Asnjë opsion diplomatik nuk do të jetë i ndaluar në fushatën për të çmontuar kërcënimin që paraqet GJPN-ja për amerikanët”, vijon reagimi. Fushata do të përfshijë një gamë të gjerë veprimesh që synojnë të sigurojnë që Gjykata Ndërkombëtare Penale të jetë e paaftë të kërcënojë sovranitetin e SHBA-së ose të shënjestrojë amerikanët. Veprimet që po shqyrtohen përfshijnë: “Thirrje diplomatike nga Sekretari i Shtetit, Zëvendës Sekretari, ambasadorët dhe anëtarë të tjerë të udhëheqjes së lartë drejtuar kombeve të huaja duke theksuar abuzimet e GJPN-së dhe rreziqet që u paraqiten amerikanëve dhe kombeve të tjera duke i nxitur ata të tërhiqen nga GJPN-ja. Kombet që bashkëpunojnë me zbatimin e ligjit amerikan dhe ushtrinë amerikane ose që gëzojnë përfitimet e ombrellës së sigurisë së SHBA-së u bëhet thirrje të hedhin poshtë autoritetin e supozuar të GJPN-së për të ndjekur penalisht zyrtarët dhe ushtarakët amerikanë. Rritje të kontrollit të kombeve që refuzojnë të hedhin poshtë autoritetin e rremë të GJPN-së ndërsa mbështeten në ndihmën e SHBA-së. Thirrje diplomatike duke i nxitur kombet e tjera që, si Amerika, nuk janë palë në Statutin e Romës, të shfrytëzojnë rrjetet e tyre diplomatike për të ndërmarrë veprime të ngjashme përkrah nesh. Revokime të vizave dhe ndalime udhëtimi për personelin e GJPN-së. Rritje të sanksioneve kundër GJPN-së dhe organizatave të lidhura me të”. The post DASH lanson fushatën kundër Gjykatës Penale Ndërkombëtare, thonë se duan t’ia pamundësojnë operimin appeared first on Gazeta Express.

7 hours ago

Rodri thotë se Spanja ka kapacitet ta mposhtë Francën

Kapiteni i Spanjës, Rodri, beson se skuadra e tij ka gjithçka që nevojitet për ta mposhtur Francën në gjysmëfinalen e shumëpritur të Kupës së Botës, që do të zhvillohet në Dallas. Mesfushori i Manchester Cityt e bazon besimin te fitoret e fundit ndaj “Les Bleus”, ndërsa “La Roja” synon të arrijë finalen e parë botërore që nga viti 2010. Rodri nuk është aspak i frikësuar nga përballja me një nga favoritët e turneut. Duke folur para ndeshjes në stadiumin “ATT”, fituesi i “Topit të Artë” theksoi se Spanja ka dëshmuar tashmë se mund ta mposhtë Francën. “Franca është një nga skuadrat më të mira këtu dhe është në formë të shkëlqyer, por edhe Spanja është po ashtu. Ne mund t’i mposhtim, e kemi treguar këtë në Kampionatin Evropian dhe në Ligën e Kombeve,” tha kapiteni spanjoll. Sukseset ndaj Francës nuk janë diçka e re për Rodrin. Ai ishte pjesë e ekipit që e eliminoi Francën në gjysmëfinalen e Evropianit U19 në vitin 2015, si edhe në gjysmëfinalen e Euro 2024 dhe në Ligën e Kombeve verën e kaluar. Duke folur për trajnerin Luis de la Fuente, Rodri u shpreh: “Luis de la Fuente nuk ka ndryshuar fare. Pikërisht aty ai filloi të ndërtonte gjithçka që po shohim sot”. Edhe pse shumë presin një tjetër spektakël si fitorja 5-4 e vitit të kaluar, Rodri mendon se kjo përballje do të jetë shumë më e kujdesshme. “Ndeshjet e Kupës së Botës janë krejt ndryshe. Nuk besoj se do të jetë aq e hapur.” Një pjesë e rëndësishme e planit taktik të Spanjës është talenti 19-vjeçar Lamine Yamal. Megjithatë, Rodri beson se bashkëlojtari i tij duhet të gjejë ekuilibrin mes talentit të jashtëzakonshëm dhe presionit emocional që sjell një turne i tillë. “Mendoj se duhet të qetësohet pak, ta kontrollojë atë ankth që ndonjëherë ka për ta dëshmuar veten. Ai është një lojtar shumë i rëndësishëm për ne, për atë që bën me dhe pa topin, dhe është një djalë shumë inteligjent. Është e vërtetë që është vetëm 19 vjeç dhe në disa momente të ndeshjes duhet ta ndihmojmë të qetësohet.” Pavarësisht se Yamal ende nuk ka shënuar në këtë Kupë Bote, liderët e kombëtares vazhdojnë ta mbështesin plotësisht. “Ai është një djalë që dëgjon, që gjithmonë dëshiron të mësojë,” shtoi Rodri, duke e cilësuar talentin e Barcelonës si një shembull për të tjerët. Vetëbesimi që mbizotëron në kampin spanjoll nuk ka kaluar pa u vënë re nga francezët. Nga kampi i Francës, mbrojtësi i ri i Real Madridit, Ibrahima Konate, deklaroi se “Les Bleus” po qëndrojnë me këmbë në tokë dhe nuk i kushtojnë rëndësi pretendimeve se duhet të kenë frikë nga Spanja. Franca synon të hakmerret për eliminimin në Euro 2024, por është e vetëdijshme se nuk mund të përqendrohet vetëm te Lamine Yamal, pasi Spanja ka cilësi në çdo repart. “Franca ka cilësi të mëdha në sulm, por do të veçoja edhe forcën e saj në mbrojtje,” përfundoi Rodri. “Ata mbrohen shumë mirë me bllok të ulët, janë shumë fizikë dhe agresivë. Ne duhet ta çojmë ndeshjen aty ku duam ne”./GazetaExpress/ The post Rodri thotë se Spanja ka kapacitet ta mposhtë Francën appeared first on Gazeta Express.

7 hours ago

Gjendja në Pediatri, reagon këshilltari i Arben Vitisë : S’e kemi pasë dorën e hekurt për papastërtinë në dhoma

Durim Elshani, këshilltar i ministrit në detyrë të Shëndetësisë, Arben Vitia, ka reaguar lidhje me raportmet për kushtet e rënda në Pediatri të QKUK-së. Ai tha se nuk kanë mundur të transformojnë gjithë infrastrukturën shëndetësore. Ai ka thënë se fillimGjendja në Pediatri, reagon këshilltari i Arben Vitisë : S'e kemi pasë dorën e hekurt për papastërtinë në dhomaisht kishin prioritet të ndalin ikjen e mjekëve nga Kosova. Postimi i plotë: Po i shoh reagimet për gjendjen në Pediatri në QKUK. Nuk kemi mujt me transformu krejt infrastrukturën shëndetësore. Qysh e dini, prej 37 klinikave, instituteve dhe njësive të QKUK-së, e 12 spitaleve rajonale, shumica, për mos me thanë të gjitha, kanë qenë keq. Intervenimet fillimisht janë bo aty ku ka pas ma s'shumti nevojë. Njëherë me e ndal ikjen e mjekëve. Tani me i shtu do shërbime që n'privat pacientëve ju kushtonin me mijëra euro. Pastaj me trefishu buxhetin për me ble barna. Janë transformu shumë klinika, reparte, institute paraklinike e salla operative. Janë ndërtu depo të reja për me i largu barnat prej mykut. Po du me thanë që ja kemi nis punëve prej atyne hapësirave ku Inspektorati ka dhënë rekomandime për me i mbyll, se kanë qenë tepër keq, sikur për Qendrën e Transfuzionit të Gjakut në Gjilan. A pe kuptoni, ka pas rekomandim me u mbyll. Sot është qendër moderne. Pediatria në Spitalin e Prizrenit ka qenë ma keq se Pediatria e QKUK-së, u dasht me ja nis qaty nihere, dhe sot veçse ka marrë formën e një reparti shumë modern. Nuk po flas për tjera, sepse çështja e reagimit të juaj ka të bëjë edhe me çarçafa, edhe me letër banjoje, edhe pajtohem që standardi i një sistemi shëndetësor nuk matet veç me investimet që i përmenda. Nuk matet veç me sa aparatura moderne blen; me sa ligje miraton; me sa staf shton; me sa spitale e poliklinika bon... Matet edhe me pastërtinë e një dhome, me pastërtinë e një shtrati, me pastërtinë e një tualeti, me një sapun që zëvendësohet kur harxhohet, me sjelljen e stafit ndaj pacientit. N'këtë pjesë nuk e kemi pas dorën e hekurt. Për Pediatrinë, për të cilën sot me të drejtë ka reagime, siç mund ta shihni në foto, është në përfundim renovimi i bodrumit dhe i kuzhinës, ndërsa në vitin e ardhshëm fillon transformimi i krejt Klinikës së Pediatrisë në QKUK. Për këtë projekt veçse janë nda 1 milion e 250 mijë euro. Po ashtu, lidhur me pretendimet për trajtimin e pacientit, komunikimin dhe sjelljen e stafit, janë suspenduar katër infermierë, derisa komisioni hetues ta sqarojë saktësisht se çka ka ndodhë. Ndërsa për çështjet teknike që shihen edhe në fotografitë e publikuara sot, s'ka nevojë për hetim, kanë marrë vërejtje personat përgjegjës nga zinxhiri hierarkik menaxherial, dhe është suspenduar përgjegjësi i shërbimeve teknike për këtë. Ju falënderojmë të gjithëve për reagimet. Ju inkurajojmë me i raportu, sidomos në Inspektorat, të gjitha parregullsitë që hasni. Transformimi i shëndetësisë publike ka me na marrë kohë, edhe shumë fonde, sepse, nuk e di sa e dini, në kanalizimin e QKUK-së nuk ish intervenu që 30 vjet, pra, po duhet me punu edhe nër tokë. Ama ju sigurojmë se transformimi po vazhdon në të gjitha drejtimet, sigurisht duke fillu prej aty ku ka qenë ma keq. The post Gjendja në Pediatri, reagon këshilltari i Arben Vitisë : S’e kemi pasë dorën e hekurt për papastërtinë në dhoma appeared first on Gazeta Express.

8 hours ago
Gazeta Express — News Tracking & Analysis | Real Narrative News