Join

Gazeta Express - Latest News Tracking & Analysis

Latest News Politics , Business , Finance , Technology , World News & Opinion & Tracking & Analysis.

Kosovo
Website
🌐 albanian
World
#205
Gazeta Express

Gazeta Express

Primary focus: World

Recent Reportage

Latest coverage from Gazeta Express

Trump rivendos bllokadën ndaj anijeve iraniane nëpër Hormuz: Nga ky moment, SHBA është kujderstare e ngushticës

Presidenti amerikan Donald Trump tha se do të rivendosë bllokadën ndaj anijeve iraniane në Ngushticën e Hormuzit dhe se do të vendosë tarifa për çdo anije tjetër që kalon nëpër të, raporton CNN. “Ngushtica e Hormuzit është E HAPUR dhe do të mbetet E HAPUR, me ose pa Iranin. Ne po rivendosim BLLOKADËN IRANIANE, e quajtur kështu sepse ndalon vetëm anijet iraniane ose klientët e tyre të hyjnë ose të dalin. Të gjitha vendet e tjera do të kenë përdorim të drejtë dhe të lirë të Ngushticës”, shkroi ai në një postim në Truth Social. Trump përsëriti se SHBA-ja do të jetë “kujdestarja” e Ngushticës së Hormuzit dhe se do t’u ngarkojë transportuesve komercialë një tarifë prej 20 të vlerës së ngarkesës së tyre, për ta kompensuar SHBA-në për sigurimin e ngushticës. “SHBA-ja, duke filluar nga ky moment, do të njihet si ‘KUJDESTARJA E NGUSHTICËS SË HORMUZIT’, por si e tillë, dhe në emër të DREJTËSISË, do të rimbursohet, në masën 20 të çdo ngarkese të transportuar, për çdo dhe të gjitha kostot e nevojshme për kryerjen e detyrës së garantimit të sigurisë dhe mbrojtjes në këtë pjesë shumë të paqëndrueshme të botës”, tha ai. The post Trump rivendos bllokadën ndaj anijeve iraniane nëpër Hormuz: Nga ky moment, SHBA është kujderstare e ngushticës appeared first on Gazeta Express.

13 minutes ago

Rreziku i një lufte rajonale është rritur pas sulmeve amerikane, thotë ushtria iraniane

Rreziku i një konflikti rajonal është rritur pas sulmeve amerikane ndaj Iranit gjatë kësaj fundjave, ka deklaruar zëdhënësi i komandës së lartë të përbashkët ushtarake të Iranit, Shtabi Qendror Khatam al-Anbiya, sipas transmetuesit shtetëror IRIB, shkruan CNN. Duke dënuar “provokimet e përsëritura dhe veprimet destabilizuese të Shteteve të Bashkuara”, Ebrahim Zolfaghari tha se “bashkëpunimi i disa vendeve të rajonit ka rritur gjithashtu rrezikun e përhapjes së luftës në të gjithë rajonin”, raportoi IRIB. Ushtria iraniane “do t’i përgjigjet me vendosmëri çdo ndërprerjeje ose kërcënimi ndaj kalimit të anijeve tregtare dhe cisternave të naftës” nga SHBA-ja, tha Zolfaghari, duke shtuar se Korpusi i Gardës Revolucionare Islamike (IRGC) e ka dëshmuar këtë gjatë ditëve të fundit. “Udhëheqësit e vendeve të rajonit paralajmërohen se çdo bashkëpunim me Shtetet e Bashkuara ose mbështetje logjistike për ushtrinë e saj do të konsiderohet një akt lufte kundër sovranitetit dhe sigurisë kombëtare të Iranit”, tha ai. “Nëse konflikti zgjerohet, flakët e luftës do ta përfshijnë të gjithë rajonin”, shtoi ai. The post Rreziku i një lufte rajonale është rritur pas sulmeve amerikane, thotë ushtria iraniane appeared first on Gazeta Express.

18 minutes ago

Agim Ademi drekon me talentin e Bayern Munichut, vjen me mesazh të veçantë për Arijon Ibrahimovicin

Kryetari i Federatës së Futbollit të Kosovës, Agim Ademi, ka zhvilluar një takim me talentin kosovar të Bayern Munichut, Arijon Ibrahimovic, gjatë një dreke të përbashkët në Prizren. Përmes një postimi në rrjetet sociale, Ademi publikoi fotografi nga takimi dhe shprehu vlerësimin e tij për futbollistin e ri, duke e cilësuar si një nga talentet më të mëdhenj kosovarë që po afirmohet në futbollin evropian. “Sot pata kënaqësinë të drekoj së bashku me një nga talentet më të mëdhenj kosovar të futbollit evropian, yllin e Bayern Munichut, Arijon Ibrahimovic”, shkroi Ademi. Kreu i FFK-së e përshkroi Ibrahimovicin jo vetëm si një futbollist me potencial të jashtëzakonshëm, por edhe si një të ri të edukuar, modest dhe krenar për prejardhjen e tij. “Përveçse një super futbollist me të ardhme të ndritur, Arijoni është edhe një djalë i edukuar, modest dhe krenar për rrënjët e tij, vlera këto që e bëjnë edhe më të veçantë”, shtoi ai. Ademi i uroi 19-vjeçarit suksese në vazhdim të karrierës, duke shprehur bindjen se e ardhmja do t’i sjellë arritje të mëdha. Në fund, ai falënderoi edhe familjen e futbollistit për, siç u shpreh, kultivimin e dashurisë së Arijon Ibrahimovicit për atdheun dhe vlerat e Kosovës. Arijon Ibrahimovic konsiderohet një nga talentet më premtues me prejardhje nga Kosova dhe është pjesë e Bayern Munichut, ndërsa në të kaluarën ka qenë pjesë edhe e grupmoshave të Gjermanisë. Ai së fundmi u integrua në ekipin e parë të Bayernit, pas rikthimit nga huazimi prej Heidenheimit sezonin e kaluar. Ai më parë ishte i huazuar edhe te Frosinone në Serie A. Momentalisht, Ibrahimovic është pjesë e Gjermanisë U21, me të cilën debutoi në nëntorin e kaluar, ku ka dy paraqitje. Ibrahimovic është një kandidat potencial për të qenë pjesë e kombëtares së Kosovës, me disa raportime që kanë thënë se mund t’i bashkohet “Dardanëve”, nga muaji shtator, me Kosovën që nis aventurën në Ligën e Kombeve./GazetaExpress/ The post Agim Ademi drekon me talentin e Bayern Munichut, vjen me mesazh të veçantë për Arijon Ibrahimovicin appeared first on Gazeta Express.

23 minutes ago

Publishing Activity

Daily article output trend

Qiratë në rritje në të gjithë Zvicrën

Qiratë vazhduan të rriten në qershor në të gjithë Zvicrën, sipas platformës së pronave Homegate. Nga viti në vit, rritja është 2.5, por trendet e çmimeve ndryshojnë nga kantoni në kanton. Indeksi i Qirasë Homegate u rrit me 0.3 pikë në qershor dhe tani qëndron në 134 pikë, duke përfaqësuar një rritje prej 0.2 nga muaji në muaj, sipas raportit të rregullt nga platforma e pronave, në bashkëpunim me Bankën Kantonale të Zurich-ut. Midis kantoneve, rritja midis majit dhe qershorit ishte veçanërisht e dukshme në Schwyz (+2.3). Për Homegate, kjo shënon një rekord të ri historik. Në këtë kanton në Zvicrën Qendrore, qiratë kishin arritur kulmin edhe në tetor 2025, përpara se të fillonin të binin, transmeton albinfo.ch. Krahasuar me qershorin e vitit të kaluar, rritjet më të mprehta u regjistruan në Nidwalden (+8.3) dhe Graubünden (+6.7), me të dy kantonet që po rikuperohen nga rëniet e fundit. Zurich (+3.3) dhe Gjenevë (+5.3) gjithashtu shënuan shifra mbi mesataren kombëtare, ndryshe nga Berna (+1.5). Midis qyteteve, Lucern u dallua në qershor, me një rritje prej 1 nga muaji në muaj dhe një rritje prej 6 krahasuar me vitin e kaluar. Në përgjithësi, qiratë e reklamuara u rritën nga viti në vit në të gjitha qytetet. Rënia e vërejtur kryesisht në Lugano në qershor (-1.1) i atribuohet një rritjeje të përkohshme muajin e kaluar, sipas njoftimit për shtyp. The post Qiratë në rritje në të gjithë Zvicrën appeared first on Gazeta Express.

23 minutes ago

Familja vazhdon të kërkojë ndihmë për gjetjen e 78 vjeçarit, i zhdukur qe 10 ditë

Janë bërë 10 ditë që kur 78 vjeçari Xhafer Raqi, është shpallur i zhdukur nga familja. Deri më tani nuk ka asnjë informacion për vendndodhjen e tij. Për kërkimin e tij, ishin angazhuar ekipet e Shoqatës së Kërkim – Shpëtimit, Policisë, Drejtorisë së Emergjencave të Komunës së Prishtinës e Forcës së Sigurisë së Kosovës. Operacioni kryesisht ishte zhvilluar rreth Butovcit, ku ishte gjetur një sandale e cila dyshohet se i takonte atij. Por, në mungesë të ndonjë detaji konkret rreth lokacionit se ku mund të jetë ai, kërkimet janë ndërprerë deri në marrjen e një informacioni të ri. Ndërkaq, familjarët lusin për ndihmë të gjithë qytetarët për gjetjen e të moshuarit që vuan nga demenca (harresa). Krejt ata që kanë informacione për 78 vjeçarin le të lajmërohet në këtë numër telefoni: +383 44 737 900, thuhet në apelin e familjes. The post Familja vazhdon të kërkojë ndihmë për gjetjen e 78 vjeçarit, i zhdukur qe 10 ditë appeared first on Gazeta Express.

25 minutes ago

Unitedi është në bisedime të avancuara për nënshkrimin e yllit të Premierligës

Manchester Unitedi raportohet se është në bisedime të avancuara për transferimin e një mesfushori surprizë nga Premierliga, dhe nuk bëhet fjalë për emrin që pritej. Pasi dështoi të siguronte Sandro Tonalin dhe Mateus Fernandes në javët e fundit, Unitedi ishte lidhur ngushtë me mesfushorin e Chelseat, Andrey Santos. Më 8 korrik u raportua se klubet kishin arritur marrëveshje për një transferim me vlerë 50 milionë funte për brazilianin, që pritet të përbëhet nga 48 milionë funte pagesë fikse dhe 2 milionë në bonuse. Chelsea gjithashtu do të mbajë 10 për qind të vlerës së një shitjeje të ardhshme. Santos tashmë ka kryer kontrollin mjekësor dhe është zyrtarizuar si lojtari më i ri i Unitedit. Megjithatë, kërkimi i Manchester Unitedit për një tjetër mesfushor duket se vazhdon, pasi gazetari i “The Athletic”, David Ornstein, raportoi të hënën (13 korrik) se klubi është në bisedime të avancuara për transferimin e mesfushorit të Aston Villas, Youri Tielemans. 29-vjeçari belg, i cili luajti një rol të rëndësishëm në rrugëtimin e Belgjikës deri në çerekfinalet e Kupës së Botës, duke mbajtur edhe shiritin e kapitenit, ka kontratë me Aston Villan deri në vitin 2028. Ai ishte një nga lojtarët kyç në suksesin e klubit në Ligën e Evropës, por raportohet se favorizon një transferim te Manchester Unitedi, pavarësisht interesimit edhe nga klube të tjera të Premierligës. “Kontaktet mes të gjitha palëve vazhdojnë për të finalizuar transferimin, i cili vjen si një surprizë, por do t’i shtonte cilësi dhe eksperiencë një reparti që United e ka pasur prioritet këtë verë,” shkroi Ornstein. Ai shtoi: “Villa nuk ka dëshirë ta shesë Tielemansin, por kontrata e tij përmban një klauzolë lirimi në vlerën rreth 35 milionë funtesh, ndaj mund të mos ketë shumë mundësi për ta penguar largimin”. Tielemans ka luajtur në Premierligë me Leicester Cityn dhe Aston Villan, duke regjistruar dy gola dhe shtatë asistime me këtë të fundit, teksa skuadra siguroi kualifikimin në Ligën e Kampionëve sezonin e kaluar. Sipas “Capology”, Tielemans përfiton 150 mijë funte në javë, duke qenë lojtari me pagën më të lartë te Aston Villa, së bashku me Boubacar Kamara. Belgu ishte lidhur edhe më parë me Manchester Unitedin gjatë periudhës kur José Mourinho drejtonte klubin, në vitin 2016, por në atë kohë ai mohoi se ishte kontaktuar ndonjëherë nga trajneri portugez. “Nuk kam qenë kurrë në kontakt me José Mourinhon,” kishte deklaruar ai. “Kushdo që thotë të kundërtën gënjen. Kam respekt të madh për zotin Mourinho dhe për shumë trajnerë të tjerë, por ai nuk më ka kontaktuar kurrë. Jam i përqendruar te karriera ime”, tha ai. Manchester Unitedi raportohet gjithashtu se ka vendosur të tërhiqet nga transferimi i mesfushorit të Atalantës, Ederson, pavarësisht se muajin e kaluar klubet kishin arritur një marrëveshje prej 35 milionë funtesh plus bonuse. Braziliani, i cili mori një ftesë të vonshme nga Carlo Ancelotti për Kupën e Botës, kishte rënë dakord për kushtet personale dhe pritej t’i nënshtrohej kontrollit mjekësor pas rikthimit nga turneu. Sipas David Ornstein, Manchester Unitedi mund ta rihapë këtë çështje më vonë gjatë afatit kalimtar, i cili mbyllet më 1 shtator./GazetaExpress/ The post Unitedi është në bisedime të avancuara për nënshkrimin e yllit të Premierligës appeared first on Gazeta Express.

35 minutes ago

Trump kërcënon ta marrë nën kontroll Ngushticën e Hormuzit teksa sulme të reja trondisin Gjirin

Presidenti amerikan, Donald Trump, ka thënë të hënën se Shtetet e Bashkuara mund të bëhen engjëlli mbrojtës i Ngushticës së Hormuzit, pas një vale të re sulmesh ajrore, të nxitura nga aktivitetet në këtë rrugë jetike ujore, që tronditën rajonin e Gjirit. Në një intervistë telefonike për Fox News të hënën, Trump tha se nëse Shtetet e Bashkuara e marrin kontrollin e ngushticës, ato duhet të kompensohen për këtë detyrë. Nëpër këtë ngushticë kalonin rreth një e pesta e transportit botëror të naftës dhe gazit në kohë paqeje, dhe ajo tani është bërë një nga fushëbetejat kryesore të konfliktit. Ne do ta mbajmë ngushticën dhe me shumë gjasa do ta administrojmë atë. Do të bëhemi mbrojtësi i ngushticës. Ndoshta do ta quajmë engjëlli mbrojtës i ngushticës. Dhe, duhet të na kompensojnë për këtë, tha ai, pa dhënë hollësi të tjera. Trupat e Gardës Revolucionare Islamike të Iranit (IRGC) thanë të hënën se e vetmja mënyrë për ta rikthyer lundrimin nëpër ngushticë është ndërprerja e ndërhyrjes ushtarake amerikane në këtë rrugë ujore. Ndërkohë, Trumpi e bëri këtë kërcënim pak pasi Shtetet e Bashkuara goditën shënjestra në jug të Iranit si përgjigje ndaj sulmeve të Teheranit kundër anijeve në Ngushticën e Hormuzit, gjë që nxiti sulme iraniane ndaj fqinjëve të tij në Gjirin Persik. Sulmet ndaj Iranit Shpërthime pati gjatë gjithë mëngjesit të së hënës në disa pjesë të Iranit, përfshirë pak para mesditës në qytetin e portit, Bandar Abbas, dhe në ishullin Qeshm, që ndodhet në ngushticë. Komanda Qendrore Amerikane, CENTCOM, tha në një deklaratë se forcat e saj kishin nisur sulme të tjera kundër Iranit për të vazhduar dobësimin e aftësisë së tij për të sulmuar marinarët civilë dhe anijet tregtare që kalojnë lirshëm nëpër Ngushticën e Hormuzit. Një deklaratë e dytë, e publikuar më vonë gjatë paradites të hënën, shtoi se vala e sulmeve kishte përfunduar. Forcat e CENTCOM-it goditën sistemet iraniane të mbrojtjes ajrore, radarët bregdetarë, kapacitetet raketore dhe të dronëve, si dhe mjetet e vogla lundruese, duke përdorur avionë luftarakë amerikanë, anije luftarake, dronë ajrorë njëpërdorimesh dhe për herë të parë dronë detarë njëpërdorimesh, tha CENTCOM. Ngushtica e Hormuzit është një korridor detar jetik për tregtinë globale. Irani nuk e kontrollon atë. Të dhënat mbi transportin detar të hënën treguan se kalimi i cisternave të naftës kishte rënë në nivelin më të ulët të dy muajve të fundit. Aleatët arabë të SHBA-së në Gjirin Persik raportuan gjithashtu për sulme me raketa iraniane, të lëshuara si kundërpërgjigje ndaj veprimeve amerikane. IRGC-ja deklaroi se kishte goditur caqe ushtarake amerikane në Bahrejn dhe Kuvajt, kishte shkatërruar sisteme të radarit në Oman dhe kishte goditur depo karburanti dhe municionesh në Bazën Ajrore “Prince Hassan” në Jordani. Këto pretendime nuk mund të verifikoheshin menjëherë. Agjencia iraniane e lajmeve ISNA raportoi për dy të vdekur në qytetin industrial Abadan, pranë kufirit me Irakun, si pasojë e sulmeve. Edhe ky pretendim nuk mund të verifikohej menjëherë. Bahrejni ndërkohë deklaroi se kishte kapur dhe shkatërruar me sukses disa sulme ajrore të pabesa iraniane, duke e akuzuar Teheranin për sulme të paligjshme me raketa dhe dronë që kishin në shënjestër civilët. Komanda e Përgjithshme theksoi se përdorimi i qëllimshëm i raketave dhe dronëve kundër civilëve dhe pronës private përbën shkelje flagrante të së drejtës ndërkombëtare humanitare, thuhej në deklaratë. Shkëmbimet e sulmeve gjatë fundjavës përbejnë përshkallëzim të madh të konfliktit, duke vënë në dyshim marrëveshjen e përkohshme të nënshkruar muajin e kaluar për rihapjen e ngushticës dhe ndërprerjen e armiqësive derisa palët do të zhvillonin bisedime 60-ditore për paqe. Trump tha javën e kaluar se Memorandumi i Mirëkuptimit ishte i pavlefshëm sipas mendimit të tij, megjithëse shtoi se negociatorët mund të vazhdonin bisedimet nëse mendonin se mund të arrihej përparim drejt një marrëveshjeje paqeje. Njerëz të këqij dhe të sëmurë Por, fundjava me sulme i zbehu edhe më shumë këto shpresa. Trump i tha CNN-it të dielën se “i goditëm shumë fort” dhe shtoi se Uashingtoni dhe Teherani ishin pranë arritjes së një marrëveshjeje përpara përshkallëzimit të fundit të tensioneve. “Ata po hiqnin dorë nga gjithçka, e më pas, vetëm dy orë më vonë, goditën një anije me dron. Këta njerëz kanë diçka që nuk shkon”, tha Trump. “Janë njerëz shumë, shumë të këqij dhe të sëmurë”, u shpreh ai në një intervistë tjetër për NBC. “Kishim takime me ta. Dje ranë dakord për një marrëveshje – një marrëveshje të përkryer për ne. Pa armë bërthamore, pa këtë, pa atë... kishin hequr dorë nga gjithçka. Pastaj dolën nga salla dhe, brenda një ore, lëshuan një dron drejt anijes. U thashë: ‘Ju jeni njerëz të sëmurë. Jeni të sëmurë’”, shtoi Trump. Ai, po ashtu, pretendoi se, pavarësisht deklaratave të Iranit, trafiku detar në Ngushticën strategjike të Hormuzit po vazhdonte normalisht. “Ajo është e hapur”, tha Trump. Edhe CENTCOM deklaroi se kjo rrugë ujore vazhdon të jetë e hapur për lundrim. Ministri i Jashtëm i Iranit, Abbas Araqchi, u takua gjatë fundjavës me ministrin e Jashtëm të Omanit, Sayyid Badr Albusaidi, për të diskutuar mekanizmat që do të garantonin lundrim të sigurt në Ngushticën e Hormuzit, sipas Teheranit. Më herët, Omani tha se diskutimet me Iranin do të vazhdonin si në nivel teknik ashtu edhe politik, në përpjekje për të arritur marrëveshje në përputhje me të drejtën ndërkombëtare lidhur me lundrimin në këtë rrugë ujore. Në këto diskutime nuk morën pjesë zyrtarë amerikanë. Radio Evropa e Lirë mësoi nga burime diplomatike se ndërmjetësit nga Omani i dorëzuan delegacionit iranian propozime për zgjidhjen e mosmarrëveshjeve mbi lundrimin detar. Zyrtarët e lartë nuk pranuan të komentonin përmbajtjen e propozimeve. Sipas burimeve diplomatike, Irani u largua nga negociatat duke thënë se do të rikthehej pasi të arrinte një qëndrim të brendshëm mbi propozimet, të cilat do të lejonin lirinë e lundrimit pa tarifa në ujërat e Omanit në pjesën jugore të ngushticës. Pak më vonë, aparati i sigurisë kombëtare të Iranit u përgjigj duke qëlluar mbi një anije tregtare dhe duke shpallur mbylljen e rrugës ujore. Muajt e fundit, Trump ka promovuar atë që ai e quan Autostrada Jugore, një rrugë detare që i mban anijet më afër bregdetit të Omanit dhe më larg ujërave territoriale iraniane. Teherani ka këmbëngulur vazhdimisht se vetëm rruga që ai preferon, më afër bregdetit iranian, konsiderohet e sigurt, dhe më parë është akuzuar për sulme ndaj anijeve që përdornin rrugën e Omanit. Lufta e fjalëve rrit rrezikun Përballja e fundit u zhvillua në një sfond politik gjithnjë e më të paqëndrueshëm. Udhëheqësi i ri suprem i Iranit, Mojtaba Khamenei, u zotua për hakmarrje për vrasjen e babait dhe paraardhësit të tij, Ali Khamenei, duke thënë se hakmarrja duhet të kryhet patjetër. Ali Khamenei, i cili u vra në sulmet ajrore amerikano-izraelite më 28 shkurt, kur shpërtheu lufta, u varros më 9 korrik në faltoren “Imam Reza” në Mashhad. Kjo çështje nuk varet as nga ekzistenca ime personale dhe as nga ajo e zyrtarëve të tjerë. Pavarësisht nëse jemi këtu apo jo, ajo do të ndodhë, tha ai, duke shtuar se Irani kishte përpiluar një listë personash që do të viheshin në shënjestër. Disa orë më herët, Trump paralajmëroi se çdo tentativë për ta vrarë atë do të shkaktonte një kundërpërgjigje dërrmuese ushtarake amerikane. 1000 raketa janë gati për lëshim dhe të drejtuara ndaj Republikës Islamike të Iranit, ndërsa mijëra të tjera do të pasojnë menjëherë, shkroi Trump në Truth Social, duke thënë se Shtetet e Bashkuara do ta shkatërronin plotësisht Iranin nëse një kërcënim i tillë do të materializohej. Këto zhvillime vijnë pas një armëpushimi të përkohshëm që kishte ndalur për pak kohë luftimet pas konfliktit që shpërtheu në fund të shkurtit me sulme masive amerikano-izraelite kundër Iranit. Trump që atëherë ka deklaruar se armëpushimi praktikisht ka përfunduar, ndërsa ka thënë se mbetet i hapur për rifillimin e negociatave. Ndërkohë, në Britani, qeveria e ka shpallur IRGC-në si kërcënim për sigurinë kombëtare. Korpusi i Gardës Revolucionare Islamike, IRGC, është komponent qendror i aparatit të sigurisë së shtetit iranian, që i përgjigjet drejtpërdrejt udhëheqësit suprem të Iranit, tha ministrja e Brendshme, Angela Eagle, në një deklaratë me shkrim. Roli i tij shkon shumë përtej atij të një force ushtarake konvencionale. Ai përfshin veprimtari të inteligjencës, përdorimin e aktorëve të ndërmjetëm dhe projektimin e ndikimit me qëllim avancimin e objektivave shtetërore të Iranit, shtoi ajo. /REL The post Trump kërcënon ta marrë nën kontroll Ngushticën e Hormuzit teksa sulme të reja trondisin Gjirin appeared first on Gazeta Express.

40 minutes ago

Gani Koci me kancer, Labinot Tahiri apel për ta ndihmuar ish-deputetin: T’i mbledhim sot 50 mijë euro për barnat

Këngëtari Labinot Tahiri tha se aksioni për mbledhjen e fondeve për ish-deputetin Gani Koci po ecën shumë mirë, ndërsa u ka bërë thirrje qytetarëve që të vazhdojnë ta mbështesin financiarisht. Tahiri tha se donacionet e mbledhura nga shqiptarët dhe diaspora po shkojnë sipas planit, duke kërkuar që brenda ditës të mblidhen 50 mijë euro. Popull i dashur, ju e dini që kur e marrë një punë e qoj deri në fund. Pra, jam shumë i lumtur që donacionet se bashku nga të gjithë shqiptarët dhe diqspora jonë për z. Gani Kocin po shkojnë shumë, shumë mirë. Ju lus që për këtë atdhetar, çlirimtar e shqiptar i cili vuajti shumë nga të keqiat e Serbise, ta ndihmojmë në afat rekord që ti sigurohen paratë familjes për blerjen e barnave të kancerit , ku familjes i kushtojnë me nga 3000 euro për sherimin e baces Gani! Keto barna nuk sigurohen në Kosovë, se nuk ka as për nanen tem dhe as për babën tim e tëndin. Ky është fati i Kosoves! Po lutem që sot të tubohen 50.000, shkroi ai në një postim në Facebook. Tahiri tha se disa persona po i shkruajnë privatisht, ndërsa bëri thirrje që paratë të dërgohen direkt te familja e ish-deputetit. Baca Gani, uroj që seshpejti të dalim në drekë dhe t'ia thojmë ndonjë kenge për lirinë e trojeve tona shqiptare. Me dashuri e respekt për ty dhe shokët e ilegales që kontribuat për ne, Labi, Kosovë e Shqipërise, shkroi ai. The post Gani Koci me kancer, Labinot Tahiri apel për ta ndihmuar ish-deputetin: T’i mbledhim sot 50 mijë euro për barnat appeared first on Gazeta Express.

45 minutes ago

Argjentina me kërkesë të veçantë drejt FIFA-s, për ndeshjen me Anglinë

Argjentina është akuzuar se po përpiqet të luajë lojëra psikologjike përpara përballjes gjysmëfinale të Kupës së Botës ndaj Anglisë, pasi raportohet se i ka paraqitur FIFA-s një kërkesë të veçantë lidhur me fanellat. Skuadra e Lionel Scalonit do të përballet me Anglinë në Atlanta të mërkurën (15 korrik), ndërsa të dyja kombëtaret do të luftojnë për një vend në finalen e Kupës së Botës. Ky duel ka sjellë disa nga momentet më të paharrueshme në historinë e futbollit, përfshirë golin famëkeq “Dora e Zotit” të Diego Maradonës, i cili ndihmoi Argjentinën të fitonte 2-1 ndaj Anglisë në çerekfinalen e Botërorit 1986. “La Albiceleste” eliminoi gjithashtu “Tre Luanët” nga turneu në vitin 1998, pasi David Beckham u ndëshkua me karton të kuq për goditjen ndaj Diego Simeones. Interesant është fakti se Argjentina në të dyja ato fitore ndaj Anglisë veshi fanellën rezervë ngjyrë blu të errët, në vend të fanellës tradicionale bardhekaltër me vija, dhe duket se tani po përpiqet ta përsërisë atë histori. Sipas gazetarit argjentinas Gaston Edul, i cili ka ndjekur nga afër kombëtaren gjatë gjithë Kupës së Botës të kësaj vere, Argjentina i ka kërkuar FIFA-s leje që të luajë me fanellën rezervë blu. Kërkesa ende nuk është miratuar, por një vendim përfundimtar pritet të merret të martën, më pak se 24 orë përpara ndeshjes gjysmëfinale. Ndërkohë, Anglia do të luajë me fanellën tradicionale të bardhë, pasi është caktuar si skuadra vendëse. Nuk ka një shpjegim zyrtar për kërkesën e Argjentinës që të luajë me fanellën rezervë në sfidën e së mërkurës, megjithatë shumë e lidhin këtë veprim me bestytnitë, të njohura në Argjentinë si “Cábala”. Siç përmendet në një raport të “BBC”, Argjentina njihet për besimin e madh te ritualet dhe bestytnitë, me shpresën se ato do t’i sjellin fat kombëtares gjatë Kupës së Botës. Madje, sipas një sondazhi, një në katër argjentinas praktikon rituale për ta “ndihmuar” ekipin kombëtar. “Shikimi i ndeshjes me të njëjtin grup njerëzish, ulja në të njëjtën kolltuk dhe veshja e të njëjtave rroba gjatë gjithë turneut janë disa nga mënyrat me të cilat disa argjentinas përpiqen ta bëjnë fatin të jetë në anën e ekipit të tyre”, thuhet në raport. Disa nga këto tradita datojnë që nga Kupa e Botës 1978, kur futbollistët argjentinas Tolo Gallego dhe Daniel Passarella shikonin filma horror përpara se të dilnin në fushë. Tetë vite më vonë, në Botërorin e vitit 1986, trajneri Carlos Salvador Bilardo i detyronte lojtarët e Argjentinës të uleshin gjithmonë në të njëjtin vend në autobusin e ekipit që i transportonte drejt stadiumit./GazetaExpress/ The post Argjentina me kërkesë të veçantë drejt FIFA-s, për ndeshjen me Anglinë appeared first on Gazeta Express.

58 minutes ago

Arrestohet 19-vjeçari për tentim-grabitje në një argjendari në Gjilan, i sekuestrohen arma dhe motoçikleta

Policia e Kosovës e ka arrestuar një person të dyshuar për përfshirje në një tentim-grabitje në një lokal argjendarie në Gjilan. Policia e Gjilanit tha se arrestimi u krye sot rreth orës 14:09, pas veprimeve të shpejta operative të hetuesve të Njësisë së Hetimeve të Stacionit Policor. Sot me datën; 13.07.2026 rreth orës 14:09 si rezultat i ndërmarrjes së veprimeve të shpejta efikase operative, hetues nga Njësiti i hetimeve të Stacionit Policor në Gjilan ka arritur që të identifikoj, lokalizoj dhe arrestoj personin e dyshuar shtetas i Kosovës (viti i lindjes 2007). Personi i arrestuar dyshohet për përfshirje në rastin grabitje në tentativë në një lokal argjendarie në Gjilan. Gjatë arrestimit nga të dyshuarit është sekuestruar një armë (revole) si dhe motoçikleta që dyshohet se është përdorur në rast, thuhet në njoftim. Policia tha se dyshuari është intervistuar sipas procedurave ligjore dhe se me vendim të Prokurorit të Shtetit është ndaluar për grabitje në tentativë në qendrën e mbajtjes për 48 orë. The post Arrestohet 19-vjeçari për tentim-grabitje në një argjendari në Gjilan, i sekuestrohen arma dhe motoçikleta appeared first on Gazeta Express.

1 hour ago
Gazeta Express — News Tracking & Analysis | Real Narrative News