Join

RÚV - Latest News Tracking & Analysis

Latest News Politics , Business , Finance , Technology , World News & Opinion & Tracking & Analysis.

Iceland
Website
🌐 icelandic
World
#514
RÚV

RÚV

Primary focus: World

Recent Reportage

Latest coverage from RÚV
Vestmannaeyjabær ætlar að áfrýja skaðabótamáli

Vestmannaeyjabær ætlar að áfrýja skaðabótamáli

Vestmannaeyjabær ætlar að áfrýja sýknudómi Héraðsdóms Suðurlands í skaðabótamáli bæjarins gegn Hugin, Vinnslustöðinni og VÍS vegna skemmda á vatnslögn og ljósleiðara í Vestmannaeyjahöfn.Þetta staðfestir Íris Róbertsdóttir bæjarstjóri í samtali við fréttastofu. Ákvörðunin var tekin á fundi bæjarráðs í dag.Vestmannaeyjabær höfðaði skaðabótamál á hendur fyrirtækjunum vegna skemmda sem urðu á neysluvatnslögn og ljósleiðara þegar akkeri fiskiskipsins Hugins VE 55 dróst eftir botni Vestmannaeyjahafnar í nóvember 2023.

1 hour ago
Gervigreindarlíkön sluppu undan prófi og gerðu tölvuárás af sjálfsdáðum

Gervigreindarlíkön sluppu undan prófi og gerðu tölvuárás af sjálfsdáðum

Tæknifyrirtækið OpenAI hefur greint frá því að gervigreindarlíkön þess hafi sloppið undan prófi sem var verið að gera á þeim, komist á netið og hakkað sig inn í tölvukerfi sprotafyrirtækisins Hugging Face af sjálfsdáðum.Hugging Face hafi uppgötvað öryggisbrestinn, haft uppi á gervigreindarlíkaninu inni í kerfum sínum og komið böndum á það.Við teljum þetta atvik, þar sem nýjasta netviðbúnaðargetan kemur við sögu, vera fordæmalaust og bregðumst við í samræmi við það,“ segir í sameiginlegri tilkynningu frá OpenAI og Hugging Face.Við deilum bráðabirgðaniðurstöðum á þessu stigi málsins til að aðstoða fyrirtæki að skilja hvað gerðist og meta hvaða líkön eru fær um þetta núna. Við höldum áfram ítarlegri rannsókn ásamt Hugging Face og deilum frekari upplýsingum um veikleikana, atvikið og niðurstöðurnar þegar rannsókn okkar er lokið.“Tæknifyrirtækið segist búast við fleiri svona atvikum eftir því sem gervigreindarlíkön verða hæfari. Gervigreindarlíkön eru undirstaða gervigreindartóla eins og spjallmenna.Líkönin sem gerðu tölvuárásina séu knúin áfram af nýjustu líkönunum sem eru opinber, GPT-5.6 Sol og enn öflugri gerð sem hefur ekki enn verið gefin út.Líkönin eru prófuð innan tæknifyrirtækisins, meðal annars geta þeirra til að hakka sig inn í önnur tölvukerfi, í stýrðu stafrænu umhverfi sem kallast sandkassi. Meðan á þeirri prófun stóð fengu líkönin aðgang að netinu og sluppu þar með út úr prófuninni.Þaðan náðu þau að hakka sig inn í kerfi Hugging Face, sem er gagnagrunnur gervigreindarmódela, og náðu í tækni sem myndi hjálpa þeim að ná prófinu.Gina Neff, yfirmaður Minderoo-stofnunarinnar fyrir tækni og lýðræði við Cambrigde-háskóla, sagði í viðtali á BBC Radio 4 í dag að þessar öryggisprófanir, sandkassarnir, eigi að vera öruggt umhverfi til að kanna getu gervigreindarlíkananna.Í þessu tilfelli virðist OpenAI ekki hafa gert sandkassann nógu öruggan.“Clément Delangue, forstjóri Hugging Face, sagði tölvuárásina ótrúlega en taldi OpenAI ekki hafa gert hana viljandi.OpenAI segir líkönin hafa með mjög góðum árangri fundið leiðir til að komast yfir leynilegar upplýsingar sem þau gátu notað til að svindla á prófinu.

2 hours ago
Sprengjusérfræðingar að sunnan kallaðir til í Vaðlaheiði

Sprengjusérfræðingar að sunnan kallaðir til í Vaðlaheiði

Sprengjusérfræðingar Landhelgisgæslunnar flugu til Akureyrar í gær vegna þess sem talið var mögulegt að væri sprengja í heitum læk sem rennur rétt neðan við op Vaðlaheiðarganga vestan megin.Erlendir ferðamenn gerðu lögreglu viðvart á fjórða tímanum í gær eftir að þeir fundu hlutinn í læknum. Talsvert viðbragð var en ekki var farið í víðtækar lokanir, að sögn lögreglu. Fljótlega var talið ólíklegt að hluturinn gæti sprungið af sjálfsdáðum.Lækurinn myndaðist þegar bormenn í Vaðlaheiðargöngum lentu á heitri vatnsæð við gerð ganganna og hefur síðan verið vinsæll baðstaður bæði heimamanna og ferðamanna sem eiga leið um svæðið.Lögreglan á Akureyri segir að fylgt sé ákveðnu verklagi þegar slíkar tilkynningar berast og haft hafi verið samband við sprengjusérfræðinga sérsveitar ríkislögreglustjóra.Talið var að það þyrfti að fá sprengjusérfræðinga Landhelgisgæslunnar í verkið eftir að myndir bárust frá lögreglunni á Akureyri. Þeir komu með þyrlu til Akureyrar á áttunda tímanum.Lögregla segir að hluturinn hafi sannarlega litið út fyrir að geta verið sprengja, jafnvel frá því í seinna stríði. En hann reyndist vera svokallaður pakkari, sem eru notaðir við jarðgangagerð, og hefur því líklega borist með heita vatninu úr göngunum og niður lækinn.Til eru ýmsar gerðir af pökkurum en sá sem þarna fannst var um 30 sentimetrar á lengd, ílangur og mjókkaði í annan endann. Aðgerðum á vettvangi lauk á níunda tímanum í gær.

2 hours ago

Publishing Activity

Daily article output trend
15 ár frá hryðjuverkunum í Útey og Osló

15 ár frá hryðjuverkunum í Útey og Osló

Norðmenn verða að hafa styrk til að berjast á móti hatri og hryðjuverkum, segir Jonas Gahr Støre, forsætisráðherra Noregs. 15 ár eru frá hryðjuverkunum í Útey og Osló þar sem 77 létu lífið.Ótrúlegur styrkur í samfélaginuKlukkan 15:25 föstudaginn 22. júlí 2011 sprakk kröftug bílsprengja í stjórnsýsluhverfinu í miðborg Oslóar. Hundruð særðust og átta létu lífið. Árásarmaðurinn hélt síðan í Útey, samkomustað ungliðahreyfingar norska Verkamannaflokksins.Þar, um tveimur tímum eftir sprenginguna, hóf hann skothríð á börn og ungmenni sem voru í eynni. Hann skaut 69 til bana og særði enn fleiri. Árásarmaðurinn, Anders Behring Breivik, hlaut þyngsta fangelsisdóm sem norsk lög leyfa.Minningarathöfn var í morgun við bygginguna þar sem sprengingin varð fyrir 15 árum. Støre var meðal ræðumanna. Í viðtali við fjölmiðla eftir athöfnina sagðist hann leggja áherslu á að í baráttunni gegn hatri og hryðjuverkum væri ótrúlegur styrkur í samfélaginu.Það er ótrúlegur styrkur í samfélaginu okkar, sem kemur frá fólki sem vill í einlægni styðja hvert annað.“Það hafi til að mynda sést vel í sumar, á stundum mikillar gleði og djúprar örvæntingar hjá norsku þjóðinni. Þar vísar Støre til ótrúlegs árangurs norska fótboltalandsliðsins á HM og eldanna miklu í Drammen þar sem fjöldi fólks missti heimili sín.Hætta á ofbeldi öfgahægrimanna meiri í dag en þáAð mati norsku öryggislögreglunnar, PST, er hættan á ofbeldi öfgahægrimanna meiri í dag en hún var þegar hryðjuverkin voru framin. Støre segir það geta dregið kjarkinn úr Norðmönnum en þeir verði að halda ró sinni og leita leiða til að vinna á móti því.Sú staðreynd að börn allt niður í tólf ára aldur gangi um og dýrki það sem gerðist 22. júlí er eitthvað sem við verðum að berjast gegn. Við verðum einfaldlega að sigrast á því.“Þetta sé ekki skoðun meirihlutans heldur minnihlutans á öfgahægri vængnum. Þetta er hættuleg hugmyndafræði en við verðum að hafa styrk til að standa gegn henni.“Á sunnudag var afhjúpaður minnisvarði um þau sem létu lífið. Það er stórt listaverk af fugli sem á uppruna sinn í Útey og á því eru nöfn allra sem létust.Minnisvarðinn á að vera til minningar um fórnarlömb árásarinnar og að fá almenning til að sýna seiglu gegn hugmyndafræði öfgahægrisins sem var rót árásarinnar.Síðar í dag verður minningarathöfn í Útey þar sem nöfn þeirra sem létust verða lesin upp.

3 hours ago
Árum saman á Schengen-svæðinu þrátt fyrir endurkomubann

Árum saman á Schengen-svæðinu þrátt fyrir endurkomubann

Landsréttur staðfesti á dögunum gæsluvarðhaldsúrskurð yfir karlmanni sem dvalið hefur ólöglega á Schengen-svæðinu árum saman.Lögregla stöðvaði manninn við akstur í Reykjavík 13. júlí. Hann reyndist vera með útrunnið dvalarleyfi og verður vísað úr landi.Þegar lögregla fletti manninum upp í upplýsingakerfi Schengen kom í ljós að hann sætti endurkomubanni á Schengen-svæðinu til 2028. Lögregla fór því að dvalarstað mannsins og virtist sem hann hygði á brottför. Eftir að maðurinn fékk endurkomubann í Sviss dvaldi hann í Þýskalandi og á Spáni og að lokum í þrjú ár í Póllandi áður en hann kom hingað. Hann sætir gæsluvarðhaldi fram í næstu viku.Landsréttur staðfesti gæsluvarðhaldsúrskurð Héraðsdóms Reykjaness.RÚV / Ragnar Visage

3 hours ago
Klessti á ljósastaur á flótta frá lögreglu

Klessti á ljósastaur á flótta frá lögreglu

Lögregla veitti ökumanni eftirför sem ók vel yfir hámarkshraða á Arnarnesvegi.Þegar lögreglumenn gáfu ökumanninum merki um að stöðva akstur jók hann hraðann með þeim afleiðingum að hann missti stjórn á bílnum og klessti á ljósastaur.Þetta kemur fram í dagbók lögreglu fyrir gærkvöld og nótt.Í bílnum voru þrír farþegar auk ökumannsins. Enginn slasaðist en verulegt tjón varð á ljósastaurnum.Bíllinn var fjarlægður af vettvangi með kranabíl.Í Mosfellsbæ varð umferðaróhapp þar sem ökumenn hlutu minniháttar áverka.Í póstnúmerum 102 og 109 voru menn fluttir með sjúkrabílum á slysadeild eftir að hafa fallið af rafmagnshlaupahjólum.RÚV / Ragnar Visage

3 hours ago
Sjálfsafgreiðsluvélar við landamæraeftirlit enn ekki komnar í notkun

Sjálfsafgreiðsluvélar við landamæraeftirlit enn ekki komnar í notkun

Sjálfsafgreiðsluvélar sem settar voru upp í landamæraeftirliti Keflavíkurflugvallar í október hafa enn ekki komist í gagnið. Lögreglan segir kerfið ekki hafa virkað sem skyldi þegar það hafi verið prófað.Fréttastofu hafa borist ábendingar um langar raðir í landamæraeftirlitinu á Keflavíkurflugvelli í sumar og athygli vekur að sjálfsafgreiðsluvélar sem settar voru upp í október í fyrra eru ekki í notkun.Bjarni Ólafur Ólafsson, lögreglufulltrúi hjá lögreglunni á Suðurnesjum, segir raðir geta myndast á álagspunktum við komur flugvéla frá Bandaríkjunum og Kanada. Þá fari evrópskir farþegar í gegnum sjálfvirk hlið en aðrir fái afgreiðslu hjá landamæravörðum.Nýtt landamæraeftirlitskerfi, þar sem lífkenni komufarþega utan Evrópu eru skráð, var tekið í notkun í október. Samhliða voru settar upp sjálfsafgreiðsluvélar til að létta undir með landamæravörðum en þær hafa enn ekki komist í fulla notkun.Bjarni segir innleiðingu á sjálfsafgreiðsluvélunum hafa gengið mun hægar en vonir stóðu til. Prófanir hafi farið fram en vélarnar ekki virkað almennilega og því hafi verið ákveðið að nota þær ekki yfir hásumarið. Hann segir stefnt að því að taka vélarnar hægt og rólega í notkun frá og með miðjum ágúst.

3 hours ago
Herjólfur hefur siglingar á ný á morgun

Herjólfur hefur siglingar á ný á morgun

Herjólfur siglir heim í kvöld og mun sigla á áætlun frá og með morgundeginum. Í tilkynningu frá Herjólfi ohf. segir að prufusigling hafi verið í gærkvöld og hún hafi gengið vel.Breiðafjarðarferjan Baldur hefur sinnt siglingum til og frá Eyjum síðustu vikur vegna viðgerða á Herjólfi, við litla ánægju íbúa Vesturlands.Herjólfur við höfn í Þorlákshöfn. Mynd úr safni.RÚV / Guðmundur Bergkvist

4 hours ago
Bandero snýr aftur í íslenska efnahagslögsögu

Bandero snýr aftur í íslenska efnahagslögsögu

Bandero, skip Paul Watson-samtakanna, hefur snúið aftur í íslenska efnahagslögsögu. Þetta staðfestir Magnús Pálmar Jónsson, staðgengill upplýsingafulltrúa Landhelgisgæslunnar.Yfirlýstur tilgangur ferða skipsins til Íslands er að stöðva Hvalveiðar Hvals hf.Magnús segir skipið gefa upp staðsetningu sína með reglulegu millibili. Hann segir gæsluna fylgjast grannt með ferðum þess, sem og allri annarri umferð á hafsvæðinu kringum landið.Bandero sigldi inn í efnahagslögsögu Íslands í lok júní.Fyrir tæpum tveimur vikum yfirgaf Bandero Íslandsstrendur og sigldi til Írlands til að koma slösuðum skipverja undir læknishendur. Þá sagði Paul Watson ætlunarverki skipsins á Íslandi ekki lokið og að það hygðist sigla aftur til Íslands við fyrsta tækifæri.

5 hours ago
Olíuverð hækkaði um 4% í morgun

Olíuverð hækkaði um 4% í morgun

Verð á Brent-olíu hækkaði um rúm 4 í morgun og verðið á tunnu er nú rúmir 95 dalir.Bandaríkin réðust á Íran í nótt í ellefta sinn síðan vopnahlésviðræður runnu í sandinn. Þá hótaði Donald Trump Bandaríkjaforseti því að neðanjarðarvirki þar sem leynileg kjarnorkuauðgunarstöð Írans er talin vera verði næsta skotmark.Þegar stríð Bandaríkjanna og Írans stigmagnast hækkar olíuverð gjarna líka. Frá því í byrjun júlí hefur olíuverð hækkað um 30.Kristinn Þeyr Magnússon

5 hours ago
RÚV — News Tracking & Analysis | Real Narrative News