Vdekja e punëtorëve në ndërtimtari, Hoti shpall “aksion kombëtar të inspektimeve”: Kompanitë që s’ofrojnë siguri u ndalohet puna

Posted 2 days ago by

Gazeta Express

Ministri i Punës, Familjes dhe Vlerave të Luftës së UÇK-së, Andin Hoti, paralajmëron aksion të jashtëzakonshëm të inspektimeve në sektorin me rrezik të lartë, veçanërisht në ndërtimtari. Derisa njoftoi se sot ka marrë vendim për fillimin e menjëhershëm të një aksioni të jashtëzakonshëm kombëtar të inspektimeve, pasi u konfirmua vdekja e një punëtori në Ferizaj, ai tha; “çdo kompani që nuk garanton kushte bazike të sigurisë, do të ketë ndalim të menjëhershëm të punimeve, do ndëshkohet sipas ligjit dhe nuk do të lejohet të vazhdojë punën derisa të plotësojë standardet”.