0
U dëmtua gjatë një sulmi ajror rus, rihapet tubacioni “Druzhba”. Zelensky: Gati rifillimi i furnizimit me naftë drejt Europës
April 21, 2026
Posted 2 hours ago by
Presidenti i Ukrainës, Volodymyr Zelensky, ka njoftuar se tubacioni i naftës “Druzhba”, i cili furnizon me naftë disa vende të Europës, është gati të rikthehet në funksion. Në një deklaratë të bërë publike, Zelensky theksoi se autoritetet ukrainase kanë përfunduar punimet për riparimin e segmentit të dëmtuar të tubacionit, i cili ishte goditur nga një sulm ajror rus në muajin janar.
“Ukraina përfundoi punimet e restaurimit në segmentin e tubacionit Druzhba, që u dëmtua nga një sulm ajror rus. Tubacioni mund të rifillojë funksionimin”, u shpreh ai përmes një postimi në aplikacionin Telegram. Kreu i shtetit ukrainas shtoi gjithashtu se pret një reagim nga Budapesti, duke shpresuar që Hungaria të zhbllokojë 90 miliardë euro ndihma europiane për Kievin. Ndërkohë, presidenti i Këshillit Europian, Antonio Costa, ka reaguar përmes një postimi, ku falënderoi Zelenskyn për përmbushjen e angazhimit të marrë. “Siç kishte premtuar, ai e riparoi tubacionin”, u shpreh Costa. /Panorama The post U dëmtua gjatë një sulmi ajror rus, rihapet tubacioni “Druzhba”. Zelensky: Gati rifillimi i furnizimit me naftë drejt Europës appeared first on Gazeta Express.
Gazeta Express
Coverage and analysis from Kosovo. All insights are generated by our AI narrative analysis engine.