Rreziku nga përzierja e qetësuesve

Ndërsa përdorimi i tyre së bashku me opioide, si kodeina, tramadoli apo morfina, rrit rrezikun me rreth 30. Megjithatë, pavarësisht këtyre rreziqeve, pothuajse 90 e pacientëve në studim kishin marrë njëkohësisht opioide me gabapentinoide, ndërsa më shumë se gjysma kishin përdorur edhe benzodiazepina. Gabapentinoidet – si gabapentina dhe pregabalina – përdoren gjerësisht për trajtimin e dhimbjeve kronike dhe shpesh konsiderohen si alternativë më e sigurt ndaj opioideve. Por ekspertët theksojnë se kjo nuk do të thotë se janë pa rrezik. Studimi analizoi të dhënat e mbi 16 mijë pacientëve në Mbretërinë e Bashkuar gjatë një periudhe 10-vjeçare, duke krahasuar rastet e helmimit para, gjatë dhe pas përdorimit të këtyre barnave. Rezultatet treguan se simptomat e helmimit mund të variojnë nga të përziera dhe konfuzion, deri te krizat, bllokimi i rrugëve të frymëmarrjes dhe madje vdekja. Rastet e rënda kërkojnë trajtim urgjent në spital. Veçanërisht shqetësues ishte fakti se rreziku ishte më i lartë në javët e para pas fillimit të trajtimit: pacientët që merrnin njëkohësisht gabapentinoide dhe benzodiazepina kishin katër herë më shumë gjasa të përfundonin në spital gjatë muajit të parë. Studiuesit vunë re gjithashtu se këto barna shpesh përshkruhen tek pacientë që tashmë kanë rrezik më të lartë për komplikime, për shembull kur dhimbjet ose simptomat e tyre përkeqësohen. Autorët theksojnë se gjetjet nuk nënkuptojnë se gabapentinoidet duhet të shmangen, por se përdorimi i tyre kërkon kujdes të shtuar, veçanërisht kur kombinohen me barna të tjera. Monitorimi i pacientëve është thelbësor. Ndërkohë, Medicines and Healthcare products Regulatory Agency ka forcuar paralajmërimet për këto barna, duke theksuar rrezikun për varësi, tolerancë dhe simptoma të tërheqjes. Autoritetet rekomandojnë që këto medikamente të mos kombinohen me alkool apo opioide dhe të mos ndahen me persona të tjerë. Gjithashtu, pacientët duhet të informohen qartë për rreziqet përmes fletëudhëzuesve. Gabapentinoidet veprojnë në sistemin nervor duke ndikuar në rrugët e GABA-s në tru, duke ulur dhimbjen dhe duke dhënë efekt qetësues. Por përdorimi afatgjatë mund të çojë në varësi fizike dhe vështirësi gjatë ndërprerjes. Madje, klinikat e varësisë kanë raportuar raste kur pacientët, pasi zhvillojnë tolerancë, kërkojnë doza më të larta dhe drejtohen drejt burimeve jozyrtare për t’i siguruar ato. Mesazhi i ekspertëve është i qartë: këto barna mund të jenë të dobishme, por vetëm nëse përdoren me kujdes dhe nën mbikëqyrje të rreptë mjekësore. /GazetaExpress/ The post Rreziku nga përzierja e qetësuesve appeared first on Gazeta Express.