Íslensk tónlist á undir högg að sækja á Spotify

Íslendingar eru ekki eins duglegir að streyma íslenskri tónlist eins og til dæmis Danir að streyma danskri tónlist eða Svíar að streyma sænskri tónlist og svo framvegis. Við vildum athuga hvort streymisveitan gæti lagt sitt á vogarskálarnar og kannski haft íslenska tónlist sýnilegri fyrir Íslendinga á veitunni.“Þetta segir Guðrún Björk Bjarnadóttir, framkvæmdastjóri STEFs, félagasamtaka tón- og textahöfunda á Íslandi. Hún var hluti sendinefndar hagsmunaaðila í íslenskum tónlistariðnaði sem hélt til Svíþjóðar í apríl á fund með fulltrúum streymisveitunnar Spotify. Markmiðið var að styrkja stöðu íslensks tónlistarfólks og sýnileika þess á veitunni.Guðrún Björk sagði frá fundinum í Fram undan á Rás 2 í morgun.Rúm 87 af tekjum af sölu á íslenskri tónlist fóru til streymisveitna á síðasta ári, segir í svari Félags hljómplötuframleiðenda við fyrirspurn fréttastofu. Spotify er markaðsráðandi fyrirtæki á Íslandi og hefur um 97 markaðshlutdeild af streymismarkaðnum.Árið 2025 var heildarsala á tónlist hérlendis tæpir 1,7 milljarðar íslenskra króna.Þá fóru um 1,5 milljarðar íslenskra króna til streymisveitna til samanburðar við rúmar 215 milljónir sem fengust fyrir sölu á tónlist á áþreifanlegu formi, plötum, geisladiskum og kassettum. Hlutdeild innlendrar framleiðslu var 22,3 af heildarveltu markaðsins til samanburðar við 20,9 í fyrra. Á streymisveitum var hlutdeildin þó lægri, 20,5.Spotify vilji lítið geraRitstjórnarteymi Spotify á Íslandi er með tvo lagalista sem eru sérstaklega ætlaðir íslenskum markaði, eru reglulega uppfærðir og ætlaðir til að kynna íslenska tónlist fyrir Íslendingum. Guðrún Björk segir slíka lista tíu talsins í Finnlandi.Bara þetta eina litla atriði, ef Spotify myndi ritstýra fleiri lagalistum þar sem væri kannski lögð aukin áhersla á íslenska tónlist og myndi hafa þá sýnilega þegar þú opnar þína veitu í þínum snjallsíma eða hvernig sem það er, hugsanlega myndi það auka streymi á íslenska tónlist,“ segir hún.Málið sé mikið hagsmunamál og varði bæði íslenskan tónlistariðnað og íslenska tungu.Við fengum ráðuneytið og ráðherra í lið með okkur og vorum mjög þakklát fyrir að þau og hann sérstaklega sýndi þessu verkefni áhuga og kom með okkur til þess að leggja meiri þyngd í erindið.“Guðrún Björk segir hins vegar afskaplega lítið hafa komið út úr fundinum.Við fengum svolítið þau svör að það sé lítið hægt að hrófla við algorithmanum [algríminu, reikniritinu]. En jú, eitthvað ætluðu þau að skoða kannski einhver önnur verkefni. Það til dæmis eru ákveðin prógrömm eða verkefni í gangi hjá Spotify eins og að fá aðgang að þeirra stúdíóum. Þau eru með verkefni líka þar sem þau eru að kynna ákveðna artista [listamenn] og annað sem við hér á Íslandi höfum voða lítið komið nálægt.“Stutta svarið hafi engu að síður verið að lítið væri hægt að hrófla við algríminu.Við erum auðvitað ekkert sátt við þessi svör því við vitum að það er verið að hrófla við þessum algorithma á svo margan hátt nú þegar. En okkur var sagt: Já, ef við gerum þetta fyrir ykkur þá kemur næsti þrýstihópur, hann vill þetta og svo kemur næsti þrýstihópur og vill hitt,“ segir Guðrún Björk.Framkvæmdastjóri STEF segir Spotify hafa lítinn vilja til að gera íslenska tónlist sýnilegri Íslendingum á streymisveitunni. Aðeins fimmtungur hlustunar Íslendinga á veitunni er á innlenda tónlist.