Fabrizio Romano i zbulon kushtet e Modricit për të vazhduar me Milanin

Klubi kuqezi i ka bërë tashmë hapat e tij, si në nivel drejtuesish ashtu edhe nga ana e shokëve të skuadrës, të cilët po shtyjnë që ai të qëndrojë edhe një sezon tjetër. Megjithatë, çështja nuk lidhet as me aspektin ekonomik dhe as me vullnetin e lojtarit. Bëhet fjalë për faktorë të tjerë: Modric dëshiron fillimisht garanci që Milani do të luajë në Champions League sezonin e ardhshëm. Një tjetër element i rëndësishëm është raporti shumë i mirë me trajnerin Massimiliano Allegri, me të cilin ekziston respekt i ndërsjellë. Në fund, vendimtare mbetet konkurrueshmëria e skuadrës: Modric është shumë ambicioz dhe pret që Milani ta ndërtojë një ekip në lartësinë e duhur për të qenë protagonist edhe në Evropë. Klubi, nga ana e tij, i ka dhënë “dritë jeshile” atij për vazhdimin e kontratës dhe është gati të nënshkruajë në çdo moment. Tani pritet vetëm sinjali nga vetë lojtari, me një klimë përgjithësisht optimiste për vazhdimësinë. /Gazeta Express The post Fabrizio Romano i zbulon kushtet e Modricit për të vazhduar me Milanin appeared first on Gazeta Express.