Bláblómstrandi og rótsterk

KEA hótel láta flýta dagskrá rokkhátíðar

Viðburðarhaldarar tónlistardaganna Rokk í Reykjavík, sem fram fara í garði barsins Dillon í miðbæ Reykjavíkur, fundu sig knúna til að flýta dagskrá morgundagsins sem og dagskrá næstu viðburðakvölda um eina klukkustund vegna hávaðakvartana frá nærliggjandi hóteli á Laugaveginum.

Ákærður fyrir móðgun í garð forseta Póllands - Tekist á um hvort „Shrek“ sé niðrandi uppnefni eða ekki

Sveitarstjórnarpólitíkus í Póllandi hefur verið ákærður fyrir að móðga forseta landsins, Karol Nawrocki, með því að líkja forsetanum við teiknimyndapersónuna Shrek. Á hann nú yfir höfði sér allt að þriggja ára fangelsi. Frá þessu greinir Notes from Poland.Hinn ákærði, Wojciech Ślusarczyk, neitar sök í málinu og segir að færslan á samfélagsmiðlum, sem vísað er til í ákæru, hafi fyrir það fyrsta ekki verið vísun í forsetann og auk þess sé færslan ekki til þess fallin að móðga þar sem það sé ekki neikvætt að vera líkt við Shrek.

Jarðskjálfti nærri Bergen

Jarðskjálftinn varð í hafi, tíu kílómetra vestur af Turøyna í sveitarfélaginu Øygarden nærri Bergen í Noregi.NRKJarðskjálfti af stærðinni 3,2 varð í hafi, tíu kílómetra vestur af Turøyna í sveitarfélaginu Øygarden nærri Bergen í Noregi í kvöld, skömmu eftir klukkan sex að norskum tíma.Norska ríkisútvarpið segir að skjálftinn hafi fundist á nokkrum stöðum í sveitarfélaginu.Ekki hafa borist neinar tilkynningar um tjón á fólki eða byggingum og ekki er talin hætta á eftirskjálftum. Vitni segja skjálftann hafa staðið yfir í að minnsta kosti tíu sekúndur.