Ancelotti e zgjedh fituesin e Ligës së Kampionëve për këtë sezon

Skuadra e drejtuar nga Diego Simeone kaloi më tej pasi eliminoi Barcelonën me rezultat të përgjithshëm 3-2. Megjithëse shumë kompani bastesh e konsiderojnë Arsenalin si një nga dy favoritët kryesorë për trofeun, Ancelotti mbetet skeptik për shanset e tyre. Duke folur për “Il Giornale”, ai theksoi se ky edicion i Championsit ka qenë i paparashikueshëm, duke lënë jashtë skuadra të mëdha si Real Madridi, Barcelona dhe Manchester City. Ancelotti ka zgjedhur Paris Saint-Germainin si favorit për të mbrojtur titullin. Kampionët francezë siguruan gjysmëfinalen pas një paraqitjeje dominuese ndaj Liverpoolit, duke fituar 4-0 në total, përfshirë një performancë shumë të mirë në “Anfield”. Tani PSG do të përballet me Bayern Munichun në një gjysmëfinale shumë të pritur, pasi bavarezët eliminuan Real Madridin në një përballje spektakolare me shumë gola. Pavarësisht një fillimi të ngadaltë të sezonit, skuadra e drejtuar nga Luis Enrique ka gjetur formën në momentin e duhur, dhe Ancelotti është i bindur se trofeu do të mbetet në “Parc des Princes”. “Them Paris Saint-Germain”, deklaroi ai kur u pyet për favoritin. Në analizën e tij për çerekfinalet, Ancelotti vuri në dukje edhe rënien e stabilitetit në mbrojtje te ekipet elitare. “Kam parë ndeshje me shumë gola, si Atletico Madrid - Barcelona dhe Bayern - Real Madrid, që ofruan spektakël për tifozët. Por shumë gola do të thotë edhe shumë gabime, nga portierët dhe mbrojtësit. Presioni i lartë dhe loja ‘njeri më njeri’ përfshin rreziqe të vazhdueshme, ndaj rezultati mund të ndryshojë në çdo moment. Edhe ndërtimi i lojës nga mbrojtja duhet të jetë perfekt, përndryshe paguan menjëherë për çdo shpërqendrim të vogël”, u shpreh ai./GazetaExpress/ The post Ancelotti e zgjedh fituesin e Ligës së Kampionëve për këtë sezon appeared first on Gazeta Express.