Zbatimi i plotë i rregullave të reja për hyrje- dalje në Zonën Schengen, Ministria del me njoftim

Siç kemi njoftuar më parë, ky sistem ka filluar të zbatohet gradualisht nga 12 tetor 2025 deri në arritjen e zbatimit të plotë. Sistemi EES është një sistem i automatizuar dhe biometrik që regjistron hyrjet dhe daljet e shtetasve të vendeve jo-anëtare të BE-së, përmes mbledhjes së të dhënave si: gjurmët e gishtërinjve; fotografia e fytyrës; të dhënat e dokumentit të udhëtimit. Nga 10 prilli 2026, ky sistem zëvendëson plotësisht vulosjen manuale të pasaportave dhe mundëson identifikimin automatik të qëndrimeve të tejkaluara. Qytetarët e Republikës së Kosovës mund të udhëtojnë pa vizë në Zonën Schengen për qëndrime afatshkurtra (deri në 90 ditë brenda çdo periudhe 180-ditore), duke plotësuar këto kushte: Të posedojnë pasaportë biometrike valide (e vlefshme të paktën 3 muaj pas datës së kthimit); Të justifikojnë qëllimin e udhëtimit (turizëm, vizitë familjare, biznes, etj.); Të kenë dëshmi të mjeteve të mjaftueshme financiare për qëndrimin; Të kenë biletë kthimi ose dëshmi për vazhdimin e udhëtimit; Të mos jenë në listat e ndalimit të hyrjes në Schengen. Ministria e Punëve të Brendshme do të vazhdojë të informojë qytetarët për çdo zhvillim të mëtejmë lidhur me këtë sistem. The post Zbatimi i plotë i rregullave të reja për hyrje- dalje në Zonën Schengen, Ministria del me njoftim appeared first on Gazeta Express.