Yfir 27.000 erlendir ríkisborgarar í hersveitum Rússa
March 31, 2026
RÚV
Borin hafa verið kennsl á 27.407 erlenda ríkisborgara sem hafa barist með hersveitum Rússa í Úkraínu. Það er aukning frá því í nóvember þegar búið var að bera kennsl á 18.000 erlenda ríkisborgara í hersveitum Rússa, samkvæmt frétt úkraínska fjölmiðilsins Kyiv Independent.Rússar eru sagði hafa byggt upp umfangsmikið ráðningarkerfi fyrir herinn utan Rússlands frá árinu 2023 til að bæta upp fyrir mikið mannfall í hersveitum sínum.
Erlendir ríkisborgarar frá 135 löndum hafa skráð sig í rússneska herinn og stór hluti þeirra er sagður koma frá löndum í Asíu. Ríkisborgarar landa í Norður-Afríku og Mið-Austurlöndum hafa einnig barist í Úkraínu, sem og ríkisborgarar frá löndum innan Evrópusambandsins.Upplýsingarnar eru teknar saman af samhæfingarstöð fyrir meðferð stríðsfanga í Úkraínu, Coordination Headquarters for the Treatment of Prisoners of War. Starfsfólk samhæfingarstöðvarinnar byggir þær á samtölum við erlenda stríðsfanga sem teknir hafa verið til fanga af úkraínska hernum.Hundruð erlendra ríkisborgara sem barist hafa með Rússlandsher eru stríðsfangar Úkraínu og fjöldi þeirra heldur áfram að aukast. Í hverri viku tekur úkraínski herinn 1–3 hermenn til fanga sem eru erlendir ríkisborgarar.
RÚV
Coverage and analysis from Iceland. All insights are generated by our AI narrative analysis engine.