Vedat Muriqi nuk mund t’i ndalë lotët, pas humbjes së Kosovës

Kombëtarja e Kosovës sonte u mposht në “Fadil Vokrri” nga kombëtarja e Turqisë, duke humbur mundësinë për të shkuar në Botërorin 2026. “Dardanët” u mposhtën 1-0 nga Turqia, me një gol nga Kerem Akturkoglu në minutën e 53-të. Pas vërshëllimës së fundit të gjyqtarit Michael Oliver, Vedat Muriqi u pa në lot, pasi s’mundi ta mbajë vetën. Muriqi ishte kapiten i kombëtares në këtë ndeshje, por edhe në të kaluarën, kur fituan ndaj Sllovakisë.