Tónleikum Kanye West í Póllandi aflýst

West gaf einnig út lagið Heil Hitler í fyrra en í texta lagsins lofar hann þýska nasistaleiðtogann.Marta Cienkowska, menningarráðherra Póllands, sagði áður óásættanlegt að hann fengi að halda tónleika í landinu í ljósi ummæla sinna.Wireless draumurinn útiBresk stjórnvöld hafa þegar bannað tónlistarmanninum Kanye West að koma til landsins. West átti að vera aðalnúmerið á tónlistarhátíðinni Wireless í Lundúnum í júlí. Búið er að aflýsa tónlistarhátíðinni.West sótti um rafræna ferðaheimild til landsins en var neitað á þeim forsendum að nærvera hans þjónaði ekki almannahag, hátíðinni var aflýst þegar í ljós kom var að West fengi ekki inngöngu í landið.Missti tengsl við veruleikannWest gaf út formlega afsökunarbeiðni í Wall Street Journal í janúar þar sem hann sagðist hvorki vera nasisti né gyðingahatari. Hann sagðist hafa farið í fjögurra mánaða langt geðrof í fyrra þar sem hann glímdi við ofsóknaræði og hvatvísa hegðun sem hafi eyðilagt líf hans. Hann missti tengslin við raunveruleikann og segist hafa sagt og gert hluti sem hann sæi mikið eftir.