Þingmenn þjarma að Starmer í dag

Mandelson var rekinn síðasta haust vegna vinfengis við kynferðisbrotamanninn Jeffrey Epstein. Beiting sérstakrar heimildar til að veita Mandelson öryggisvottun þrátt fyrir það sagði Starmer ófyrirgefanlegt klúður hjá utanríkismálaskrifstofunni og rak Olly Robbins, háttsettan embættismann hennar. Olly Robbins kemur fyrir utanríkismálanefnd neðri deildar þingsins á morgun og margir fyrrverandi embættismenn saka Starmer um að gera hann að blóraböggli eigin mistaka. Liz Kendall, ráðherra tæknimála og aðstoðarforsætisráðherrann David Lammy segja útilokað að Starmer hefði skipað Mandelson hefði hann vitað sannleikann og á föstudag var birt minnisblað sem bendir til að hann hafi ekkert vitað um vanhæfið fyrr á fimmtudag. Starmer er þrátt fyrir það milli steins og sleggju enda hækkaði ákallið strax innan stjórnarandstöðunnar um afsögn hans; óvinsældir hans fara einnig vaxandi meðal almennings og ekki síður innan raða Verkamannaflokksins. Kannanir benda til þess að Starmer sé einhver óvinsælasti forsætisráðherra Bretlands frá upphafi, að hluta til vegna nokkurra mistaka sem hann hefur gert í grundvallarstefnumálum.