Ótrúleg áætlun Pútíns – Ætlar að senda 100.000 Rússa þangað

Vladímír Pútín og skósveinar hans eru sífellt með eitthvað á prjónunum varðandi Úkraínu. Nýjasta áætlun þeirra er að flytja 100.000 rússneska ríkisborgara til herteknu svæðanna í Úkraínu. Samkvæmt frétt TV2 þá nær áætlunin fram til 2045 og samkvæmt henni er meðal annars ætlunin að flytja Rússa til Donetsk, Luhansk, Zaporizjzja og Kherson. Úkraínski miðillinn Ukrainska Pravda skýrði frá þessu og byggði á grein í rússneska miðlinum Vedomosti.