Legjenda Hakan Sukur me fjalë të mëdha për Kosovën, e paralajmëron Turqinë
March 28, 2026
Gazeta Express
Legjenda e futbollit turk, Hakan Sukur ka folur fjalë të mëdha për Kosovën dhe kombëtaren e saj. Sukur është me prejardhje nga Kosova, dhe këtë e ka konfirmuar vetë, në podcastin e tij në nëntor të vitit të kaluar, kur ishte hedhur shorti për rrugëtimin C të UEFA-s për “play-offin” e Botërorit. Kosova është atdheu i babait tim. Babai im ishte lindur në Prishtinë.
Arritjet e Kosovës nuk duhet në nënvlerësohen. Një vend që vjen nga ish-Jugosllavia, një tokë ku ka shumë talente”, kishte thënë ai fillimisht. Tutje, ai foli edhe për kampanjën kualifikuese të Kosovës, në kualifikimet e rregullta për Botërorin 2026. Kosova e ka një ekip të fortë. Doli në vend të dytë në një grup mjaft të vështirë (me Zvicrën, Suedinë e Slloveninë), mund të përfundonte edhe e para”, shtoi ai. Ai i bëri me dije Turqisë që do të ketë punë mjaft të vështirë në përballje të tilla, të “play-offit”. Turqia do të ketë punë mjaft të vështirë sepse ndeshjet si kjo nuk janë kualifikuese të Botërorit. Janë ndeshje që vendosen nga kushte dhe rrethana të tjera”, përfundonte ai. Ndeshja e madhe e kombëtares së Kosovës ndaj Turqisë do të zhvillohet më 31 mars në “Fadil Vokrri”, me fillim nga ora 20:45. Kjo ndeshje luhet në kuadër të finales së “play-offit” për Botëror dhe fituesi i ndeshjes do të kalojë në Botërorin e kësaj vere, që mbahet në SHBA, Kanada e Meksikë./GazetaExpress/ The post Legjenda Hakan Sukur me fjalë të mëdha për Kosovën, e paralajmëron Turqinë appeared first on Gazeta Express.
Gazeta Express
Coverage and analysis from Kosovo. All insights are generated by our AI narrative analysis engine.