0
Keflavík í undanúrslit eftir mikla spennu í oddaleik
April 16, 2026
Posted 2 hours ago by
KR tók á móti Keflavík í oddaleik 8-liða úrslita í úrslitakeppni kvenna í körfubolta í kvöld.Spenna var í leiknum allt frá fyrstu mínútu en KR var skrefi framar í fyrsta leikhluta og liðið leiddi með fjórum stigum að honum loknum, 25-21. Áfram var þó afar mjótt á munum og Eve Braslis skoraði þrist á lokaandartökum fyrri hálfleiks fyrir Keflavík og sá um leið til þess að einu stigi munaði í leikhléi, 46-45, KR í vil.Spennan í Frostaskjóli var ekki síðri í síðari hálfleik.
Mest munaði fjórum stigum á liðunum í þriðja leikhluta þegar Keflavík leiddi 50-54. KR jafnaði í 66-66 en Keflavík hafði tveggja stiga forskot fyrir lokafjórðunginn, 68-76.Fimm stig skildu liðin að þegar fimm mínútur lifðu leiks og Keflvíkingar leiddu, 76-81.KR náði að minnka muninn 83-84 en Keishana Washington hélt þá áfram sinni stigasöfnun og skoraði næstu sjö stig og tryggði Keflavík þar með sigurinn 83-91. Washington lauk leik með 39 stig. Keflavík mun því leika í undanúrslitum keppninnar.
RÚV
Coverage and analysis from Iceland. All insights are generated by our AI narrative analysis engine.