Íranar ráðast á þrjú flutningaskip á Hormússundi

Engan sakaði, enginn eldur kviknaði og engin umhverfisáhrif hafi orðið.Gámaskipið heitir Epaminondas og siglir undir grískum fána. og hafði samkvæmt tilkynningu breska fyrirtækisins fengið heimild til að sigla í gegnum Hormus-sund. Íranskir fjölmiðlar segja hins vegar að skipið hafi virt viðvaranir Írana að vettugi.Tvö skip til viðbótar tekinÞá var skotið á annað flutningaskip vestur af Íran og för þess stöðvuð. Það skip skemmdist ekki. Skipið er skráð í Sameinuðu arabísku furstadæmunum og var á leið til Sádi-Arabíu. Íranar hafa staðfest að bera ábyrgð á þessari árás.Breska ríkisútvarpið, BBC, greindi svo frá þriðja skipinu sem Íranar hafa ráðist á. Það siglir undir fána Panama og var á leið úr sundinu að Óman. Skipstjórinn var þvingaður til að varpa akkerum. Smávægilegar skemmdir hafa orðið á skipinu.Tvö af þessum þremur skipum eru enn í haldi Írana.Árásin átti sér stað stuttu eftir að Donald Trump forseti Bandaríkjanna framlengdi vopnahlé sem var í gildi í Íran og gaf þannig meiri tíma fyrir friðarviðræður. Þær hafa þó ekki enn farið í gang og óvíst er hvort þetta hafi einhver áhrif á það.