Íranar hóta lokun Hormússunds að nýju linni herkví Bandaríkjanna ekki

Ghalibaf sagði Bandaríkin ná langt í samningaviðræðum með slíku athæfi. Hann tíundaði það ekki frekar.Trump sagði í kvöld að Bandaríkin linntu herkvínni um leið og samkomulag næðist við Írani. Hann kvaðst jafnframt bjartsýnn á áframhaldandi samningaviðræður við Íran um helgina, þegar hefði mjakast nokkuð í samkomulagsátt og í raun bæri lítið í milli.CNN hefur eftir ónafngreindum írönskum embættismönnum að viðræður haldi áfram í pakistönsku höfuðborginni Islamabad á mánudag.Trump sagði jafnframt að hluti samkomulagsins yrði að bandarískir og íranskir sérfræðingar fjarlægðu allt auðgað úran úr kjarnorkuverum landsins áður en það yrði flutt til Bandaríkjanna.Utanríkisráðuneyti Írans hefur sagt úranið hvergi á förum. Verðið á tunnunni af Brent-Norðursjávarolíu fór niður undir 90 dali á tunnuna fyrir lok dags, eftir að tilkynnt var um opnun Hormússunds.