Hugarfarsbreyting orðið í hjálparstarfi

Það vill sjá hvað það græðir á því. Af hverju ætti ég að gefa peninga þegar það eru vandamál í mínu eigin landi?“ segir Mimmo Parisi, formaður alþjóðastjórnar SOS Barnaþorpanna. Hann er í heimsókn á Íslandi til að kynna sér starfsemi samtakanna hér. Hann segir störf hjálparsamtaka almennt hafa breyst mikið síðustu ár með auknum átökum, stríðsrekstri og minnkandi mataröryggi.Núna starfa hjálparsamtök í nýjum heimi þar sem þau þurfa að vera ábyrg gagnvart styrktaraðilum, gagnvart þeim sem veita stuðninginn, hvort sem það er frá ríki eða einkaaðilum. Við verðum að sýna fram á að það sem við gerum hafi í raun haft þau áhrif sem við lofuðum að hafa á ríki, einstaklinga eða fjölskyldur.“Parisi telur að styrktaraðilar vilji tryggja að peningarnir séu nýttir þar sem þörfin og áhrifin eru mest. Og með því getur fókusinn færst frá málefnum sem þarfnast meiri athygli en önnur. Þannig að við viljum ekki að peningarnir stýri umræðunni um hvað sé rétt fyrir börnin okkar.“Hann segir samtökin þurfa fleiri styrktaraðila sem séu ekki tengdir einstaka ríkjum, heldur einkaaðilum sem hjálpi þeim óháð pólitísku samhengi.Það hefur breyst að styrktaraðilar eru farnir að taka einhvers konar afstöðu, og það er vandamálið. Sumir styrktaraðilar, sérstaklega ríki, hafa sína eigin pólitísku hagsmuni. Þannig að það verður mjög erfitt þegar styrktaraðilinn ákveður hvert peningarnir eiga að fara.“Börnin ættu ekki að vera hluti af þessari pólitík heldur hluti af alheimssamtalinu. Þau eru börnin okkar og verða það alltaf. Því miður festast þau í þessum pólitíska ágreiningi og svo lengi sem styrktaraðilar setja takmarkanir gera þeir okkar starf erfiðara. En það þýðir ekki að við ætlum að hætta því. Við ætlum að gera okkar besta.“Ólst upp í SOS-barnaþorpiSOS-barnaþorpin hafa beina umsjá með yfir 65 þúsund börnum og ungmennum á heimsvísu. Auk barnaþorpanna reka samtökin leik-, grunn- og framhaldsskóla, heilsugæslustöðvar og sinna almennu mannúðarstarfi.Parisi ólst sjálfur upp í SOS-barnaþorpi í Ostuni á Ítalíu frá þriggja ára aldri. Auk stjórnarsetunnar er hann prófessor og forstöðumaður gagnavísindadeildar við Mississippi State-háskólann í Bandaríkjunum. Hann segir uppvöxtinn eina ástæðu þess að hann tók við formennsku stjórnarinnar.Ég held að SOS hafi mótað mig, aðallega með hugmyndinni um að ef þú vilt virkilega hafa áhrif í lífinu verður þú að verða að einhverju. Síðan finnur þú fyrir ábyrgðinni á að gefa til baka það sem þú hefur fengið til að vera sá sem þú ert í dag. Þannig að það er það sem það hefur gefið mér.“Það er dýrt að ala upp börn“Samtökin hófu fjáröflun á Íslandi 1989. Íslendingar hafa allar götur síðan verið öflugir í stuðningi sínum og sem dæmi greiddu um 20 þúsund manns framlög til SOS-barnaþorpa á síðasta ári.Parisi þakkar Íslendingum fyrir stuðninginn. Ég kom hingað persónulega til að þakka samtökunum hér á landi og Íslendingum fyrir stuðninginn við SOS um allan heim. Takk fyrir.“Fyrir þá sem eru að velta fyrir sér hvort peningarnir rati rétta leið er hann viss um að þeir geri það.Það er dýrt að ala upp börn. Ef við viljum virkilega leggja okkur fram um velgengni barns þurfum við að gera það sem foreldrar myndu gera. Myndir þú ekki fjárfesta öllu sem þú átt fyrir barnið þitt og tryggja að þegar þú ert ekki lengur til staðar hafi það það sem það þarf til að halda áfram og gera hið sama við sín börn? Já, peningnum er varið með þessum ásetningi.“Parisi segir að auðvitað sé hægt að gera betur. Það er engin spurning en það sem ég segi styrktaraðilum er: missið ekki trúna á að við séum að gera það rétta.“Hann bendir á að starfsemi samtakanna sé frábrugðin starfsemi Rauða krossins og UNICEF. Þau komi inn á svæði þegar til dæmis stríðsátök eða hættuástand brjótist út, með hjálpargögn og fari síðan þegar ástandinu sé lokið. Við komum inn eftir hættuástandið, eða erum þar fyrir, til að vera áfram, til að tryggja að við sköpum öll skilyrði sem þessi börn þurfa til að alast upp sem afkastamiklir einstaklingar. Þannig að það er munurinn, og það er kostnaðarsamt.“