Háspenna í Síkinu þegar Stjarnan náði í nauman sigur í fyrsta leik

Seinni hálfleikur reyndist svo gott sem hnífjafn en Stjörnumenn voru skrefinu á undan allt þar til á lokamínútunni.Þegar tæp mínúta var eftir skoraði Dedrick Basile fimm stig í röð fyrir Stólana og kom þeim einu stigi yfir. Hilmar Smári Henningsson svaraði með tveimur stigum fyrir Stjörnuna sem leiddu þá á nýjan leik.Liðin skiptust svo áfram á forystunni en þegar 11 sekúndur voru eftir kom Basile Tindastóli 95-94 yfir. Stjörnumenn fengu svo vítaskot þegar 4 sekúndur voru eftir og úr báðum skotunum skoraði Seth Leday. Þá var Stjarnan komin stigi yfir, 96-95, og Stólarnir höfðu aðeins 4 sekúndur til að reyna að breyta því. Þriggja stiga skot Basile fór ekki ofan í og Stjörnumenn unnu því sterkan eins stigs sigur.Stjörnumenn voru án landsliðsmannsins Ægis Þórs Steinarssonar í kvöld og verða áfram en Ægir olnbogabrotnaði í oddaleiknum við KR í 8-liða úrslitunum. Fjarvera hans kom ekki að sök í kvöld og ríkjandi Íslandsmeistararnir eru komnir með undirtökin í undanúrslitaeinvíginu.Liðin mætast í leik tvö í Garðabæ á laugardag en á morgun hefst hitt undanúrslitaeinvígið þegar Grindavík og Valur mætast í Grindavík.