Gagnaleki hjá bókunarfyrirtækinu Booking.com

Strax í kjölfarið hafi vinna hafist við að girða fyrir vandamálið. Þeir viðskiptavinir sem urðu útsettir fyrir gagnalekanum hafi verið látnir vita.Í tölvupósti sem sendur var til viðskiptavina Booking.com segir að tölvuþrjótarnir hafi komist í upplýsingar sem gætu innihaldið nöfn, tölvupóstföng, heimilisföng og símanúmer sem tengd voru fyrri bókunum, auk upplýsinga sem viðskiptavinir hafi deilt með gististöðum.Tilraunir til fjársvika algengar á bókunarvefnumFyrirtækið hefur á undanförnum misserum glímt við mikinn fjölda svindlara sem reyna að svíkja út fé í gegnum bókunarþjónustuna. Meðal algengustu leiða sem svindlarar beita er að óska eftir greiðslukortaupplýsingum sem sagðar eru vera til að staðfesta bókun. Háar fjárhæðir eru svo teknar út af kortum grunlausra ferðalanga í kjölfarið.Árið 2018 greiddi fyrirtækið hollenskum persónuverndaryfirvöldum sekt upp á 475 þúsund evrur, sem samsvarar nærri 70 milljónum króna á gengi dagsins í dag, eftir að netglæpamenn höfðu aðgangsupplýsingar inn á Booking.com af starfsfólki hótels í Sameinuðu arabísku furstadæmunum. Þeir komust í kjölfarið í viðkvæmar upplýsingar rúmlega 4.000 viðskiptavina bókunarfyrirtækisins.