Fyrstu 15 mínúturnar skipta öllu máli

Þá eru aðstæður til þess að fara á vélsleða eða fjallaskíði góðar. Þetta er skemmtilegt sport að sögn Tómasar, en ekki hættulaust.Hin heilaga þrenning fólks sem ætlar á fjöll eru: snjóflóðaýlir, skófla og stöng. Bæði til þess að tryggja eigið öryggi og til þess að vera klár að aðstoða aðra. Aðspurður telur Tómas að flestir séu búnir þessu:Ég ætla að leyfa mér að halda að það sé nánast krafa, að nánast allir séu búnir þessum búnaði. Annað er glapræði.“Rétt fyrir mánaðarmótin féll stórt flóð í Skeggjabrekkudal við Ólafsfjörð og mátti minnstu muna að hópur vélsleðamanna hafi lent í flóðinu. Líklegt er að flóðið hafi ekki fallið af náttúrulegum sökum:Ég held að það megi bara leiða mjög sterkum líkum að því að þetta hafi verið út af brekkuspóli hjá þessum hópi. Það er ekkert auðveld aðkoma að þessu svæði þar sem flóðið fellur. Það er mjög bratt, brött hlíð sem þarf að fara til að komast inn á þetta svæði. Það sem gerðist er að menn allavegana með sínum ferðum náð að koma af stað snjóflóði,“ sagði Tómas og hvatt alla til þess að fara varlega til fjalla.