Fyrsta sakfellingin vegna netverslunar snerist um hvítvínsbelju

Beljan var svo afhent í gegnum sendingarþjónustu Wolt.Áfengið hafi aftur á móti verið keypt af íslenska félaginu Kjútís ehf. af íslenskum áfengissala. Vilhjálmur er framkvæmdastjóri hjá Kjútís ehf. en faðir hans á fyrirtækið.Þar með var talið að erlenda félagið hefði einungis verið notað til milligöngu um sölu áfengis á Íslandi og Vilhjálmur Forberg þar með brotið gegn einkaleyfi Áfengis- og tóbaksverslunar ríkisins til smásölu áfengis á Íslandi.Óljóst hvaða áhrif dómurinn hafiEins og fyrr segir er dómurinn ekki aðgengilegur og því enn óljóst hverjar forsendur hans eru og hvaða þýðingu hann hafi fyrir netsölu áfengis. Forsvarsmenn netverslunarinnar Santé, sem einnig selur áfengi, hafa gefið frá sér yfirlýsingu varðandi dóminn og segist ósammála niðurstöðu hans. Dómurinn breyti þó litlu um heildarmyndina að þeirra mati.Við hjá Santé höfum barist fyrir sjálfsákvörðunarrétti neytenda í áratug og þetta er aðeins einn liður í þeirri baráttu. Staðan er skýr. Fleiri en 100.000 Íslendingar hafa þegar greitt atkvæði með veskinu og valið frjálsa verslun. ESA hefur gert athugasemdir í sjö liðum um að íslenska einokunin standist ekki EES-rétt. Og það sem skiptir mestu, frumvarp um að leyfa netverslun með áfengi liggur þegar fyrir á Alþingi, það fer í atkvæðagreiðslu og meirihluti þingmanna er hlynntur samþykkt þess. Við ætlum ekki að láta einn dóm stoppa okkur. Santé heldur áfram að berjast fyrir sjálfsákvörðunarrétti neytenda og atvinnufrelsi á Íslandi.Forvarnarsamtökin fagna aftur á móti dómnum og segjast í sameiginlegri yfirlýsingu treysta því að stjórnvöld muni standa með gildandi lýðheilsustefnu samþykktri á Alþingi, tilmælum og áfengisforvarnaáætlun Alþjóðaheilbrigðismálastofnunarinnar, gagnreyndum lýðheilsurannsóknum og ályktunum heilbrigðisstétta og forvarnar- og foreldrasamtaka.