Friðargæsluliði drepinn í Líbanon

Tveir þeirra eru sagðir þungt haldnir.Macron sagði fyrstu vísbendingar gefa til kynna að Hezbollah-samtökin hefðu ráðist á friðargæsluliðana. Samtökin vísa þeim ásökunum á bug.Forseti líbanska þingsins, sem er hliðhollur Hezbollah, hefur einnig fordæmt árásina.UNIFIL, friðargæslulið Sameinuðu þjóðanna í Líbanon, segir að skotið hafi verið á fólkið meðan það vann að sprengjuleit. UNIFIL ætlar einnig að rannsaka árásina og segir að hún gæti talist stríðsglæpur.Árásir á UNIFIL hafa verið tíðar síðustu misseri samhliða stríði Ísraela við Hamas á Gaza þar sem árásir hafa gengið á víxl við landamæri ríkjanna. Sameinuðu þjóðirnar hafa fordæmt árásirnar og brýnt fyrir báðum fylkingum að virða alþjóðalög.Fingurinn á gikknum“Tíu daga vopnahlé milli Líbanon og Ísrael tók gildi á fimmtudag eftir sex vikna átök. 2.300 liggja í valnum eftir árásir Ísraelshers í Líbanon frá 2. mars. Hezbollah kvaðst hafa hætt hernaðaraðgerðum þegar vopnahléið tók gildi en sagði að fingurinn væri á gikknum, líkt og það var orðað í yfirlýsingu.Ísraelar tilkynntu í dag að þeir ætluðu að skilgreina öryggissvæði, svokallaða gula línu, í sunnanverðu Líbanon líkt og þeir hafa gert á Gaza.