0
Elísabet sló Íslandsmetið og náði lágmarki á EM
April 19, 2026
Posted 2 hours ago by
Elísabet Rut Rúnarsdóttir sló seint í gærkvöld Íslandsmetið í sleggjukasti á háskólamóti í Kaliforníuríki Bandaríkjanna þegar hún kastaði 72,89 metra. Hún bætti fyrra Íslandsmet þar með um 1,48 metra, en hún og Guðrún Karitas Hallgrímsdóttir höfðu deilt fyrra metinu sem var 71,41 metri.Elísabet er þar með líka komin með öruggan keppnisrétt á Evrópumótinu í frjálsíþróttum sem verður í Birmingham í ágúst.
EM lágmarkið var 71,50 metrar og miðað við Evrópulistann eins og hann stóð fyrir helgi er Elísabet með áttunda besta árangurinn af Evrópubúum fyrir EM eins og sakir standa.Þriðji Íslendingurinn með keppnisrétt á EMHún er þriðji Íslendingurinn sem er komin með öruggan keppnisrétt á Evrópumótinu í sumar því áður höfðu Baldvin Þór Magnússon náð EM lágmarkinu í 10.000 metra hlaupi og Hilmar Örn Jónsson í sleggjukasti. Góðar líkur eru á því að nokkrir keppendur muni bætast í íslenska hópinn áður en kemur að EM í ágúst.Elísabet Rut var frá vegna meiðsla að stórum hluta á síðasta ári, en kemur greinilega í miklu stuði til baka. Hún jafnaði Íslandsmet Guðrúnar Karítasar 20. mars, en Guðrún hafði sett það met sex dögum fyrr. Nú hefur Elísabet svo bætt metið enn frekar og virðist til alls líkleg á næstunni.
RÚV
Coverage and analysis from Iceland. All insights are generated by our AI narrative analysis engine.