Deildarmeistararnir byrja úrslitakeppnina á tapi
April 1, 2026
RÚV
Úrslitakeppni karla í körfubolta hófst í kvöld með tveimur leikjum í 8-liða úrslitum. Njarðvík vann Grindavík, 87-97, og Stjarnan hafði betur gegn KR, 97-86.Grindavík varð deildarmeistari á meðan Njarðvík endaði í 8. sæti. Það voru líka Grindvíkingar sem byrjuðu betur í kvöld og þeir leiddu með 10 stigum að loknum fyrsta leikhluta en munurinn var kominn niður í 4 stig í hálfleik, 41-37.Heimamenn komust svo 13 stigum yfir þegar þrjár mínútur voru eftir af þriðja leikhluta en þá skoruðu Njarðvíkingar 14 stig í röð og tóku forystuna.
Gestirnir voru svo mun sterkari í lokafjórðungnum og unnu tíu stiga sigur, 87-97.Njarðvík leiðir því einvígið 1-0 en vinna þarf þrjá leiki til að komast í undanúrslit. Næsti leikur liðanna er í Njarðvík á mánudaginn, annan í páskum.Íslandsmeistararnir byrja velStjarnan er ríkjandi Íslandsmeistari og endaði í þriðja sæti deildarinnar í ár. Garðbæingar tóku því á móti liðinu sem varð í sjötta sæti; KR.Fyrri hálfleikur var nokkuð jafn en það voru KR-ingar sem leiddu að honum loknum, 51-55. Stjörnumenn voru hins vegar með öll völd í þriðja leikhluta og unnu hann 24-9, staðan þá orðin 75-64. Í fjórða leikhluta var aldrei vafi á hvort liðið myndi bera sigur af hólmi, Stjarnan vann 97-86 og er því 1-0 yfir í einvíginu.Annaðkvöld mætast Tindastóll og ÍR annars vegar og Valur og Keflavík hins vegar.
RÚV
Coverage and analysis from Iceland. All insights are generated by our AI narrative analysis engine.