Byltingarvörðurinn hótar að gera árásir á skip sem sigla inn í Hormússund — kúgunartilburðir segir Bandaríkjaforseti

Íranar kváðust í gærmorgun munu hafa strangt eftirlit með umferð um sundið þar sem Bandaríkin hefðu gengið á bak orða sinna og haldið höfnum landsins í herkví. Donald Trump varaði Írana við afleiðingum þess að beita Hormússundi sem kúgunartóli gegn Bandaríkjunum. Við erum að ræða við þá, þeir vildu endilega loka sundinu eins og þeir hafa gert árum saman,“ sagði Trump á viðburði í Hvíta húsinu. Á sama tíma segist öryggisráð Írans vera að meta nýjar friðartillögur frá Bandaríkjunum og áréttaði jafnframt að samningamenn stjórnarinnar samþykktu engar málamiðlanir. Í yfirlýsingu segir að enn hafi ekki verið brugðist opinberlega við tillögunum. Írönsk stjórnvöld segja að tæplega 3.500 hafi verið drepin í stríðinu við Ísrael og Bandaríkin.