Bónorð í sól, brúðkaup í frosti

Það var falleg stund við Hraunfossa á köldum degi í janúar síðastliðnum þegar ungt skoskt par gekk í hjónaband. Með í för var hópur af löndum þeirra og eflaust hefur það vakið athygli að hópurinn skálaði í Egils Gull til að fagna ráðahagnum. Góð og gild ástæða var fyrir því enda hafa þau Zoe og Tom tekið ástfóstri við bjórinn vinsæla – sem og Ísland allt.