Boðar breytingar á einkunnakerfi grunnskóla

Í skoðanakönnun sem gerð hafi verið fyrir skömmu hafi tæplega níutíu prósent svarað að við einkunnagjöf væru tölustafir ákjósanlegri en bókstafir.Orð ráðherra mættu misjöfnum undirtektum fundargesta – og gengu einhverjir úr salnum.Ég veit að það er umdeilt í ykkar hópi en mér finnst það skipta máli. Og það skiptir líka máli að þetta er í samræmi við það sem meirihluti foreldra og samfélagsins vill,“ segir Inga.Óásættanlegt að ákvarðanir séu teknar bakvið luktar dyrMagnús Þór Jónsson, formaður Kennarasambands Íslands, segist fyrst hafa heyrt af breytingunum í morgun. Þær gangi þvert á það sem hafi verið í umræðunni undanfarin ár.Að menntamálaráðherra tilkynnti að hún ætli einhvern veginn að breyta því námsmatskerfi sem hefur verið viðhaft við lok grunnskóla sérstaklega og hefur um leið verið aðgöngumiði að framhaldsskólunum okkar. Og það að halda að það sé hægt að skipta um það eins og að henda krónupeningi ber vott um þekkingarleysi,“ segir Magnús.Hann gagnrýnir stjórnvöld fyrir samráðsleysi.Að fara inn í einhverja popúlíska leið byggða á samtölum við fólk eða skoðanakönnunum, einhverjum óræðum, til að taka svona ákvörðun sem mun hafa gríðarleg áhrif inn í skólastarf og valda óöryggi er óábyrgt,“ segir Magnús og heldur áfram.Þetta er grundvallaratriði um hvernig við ætlum að útskrifa börnin okkar úr grunnskóla, hvernig við ætlum að flytja þau upp á næsta skólastig og það getur ekki verið þannig að það sé einhvers konar ákvörðun sem er tekin bak við lokaðar dyr inni í menntamálaráðuneytinu án öflugs samtals við vettvanginn í grunn- og framhaldsskólum. Þetta getur ekki verið svona.“