Bauhaus og Síðuskóli hlutu umhverfisverðlaun Terra

Terra veitti á dögunum viðurkenninguna Umhverfisfyrirtæki ársins í sjötta skipti. Að þessu sinni hlutu Bauhaus verðlaunin fyrir höfuðborgarsvæðið og Síðuskóli á Akureyri fyrir landsbyggðina. Verðlaunin eru afhent þeim viðskiptavinum Terra sem hafa sýnt framúrskarandi árangur í flokkun og endurvinnslu og jafnvel farið nýjar leiðir í ábyrgð þegar kemur að úrgangsmálum.