Bandaríkjaforseti gagnrýnir Leo XIV páfa harðlega

Hann biðlaði til leiðtoga á laugardaginn um að binda enda á ofbeldi og sagði að nú væri nóg komið af sjálfsdýrkun og dýrkun á peningum. Nóg væri komið af sýndarmennsku og stríði.Þessi beiðni páfans féll ekki í kramið hjá Bandaríkjaforseta sem gagnrýndi páfann einnig harðlega í langri færslu á samskiptamiðlinum Truth Social í nótt. Trump sagðist ekki vilja páfa sem þætti það í lagi að Íranar ættu kjarnorkuvopn eða væri mótfallinn aðgerðum Bandaríkjanna í Venesúela gegn glæpamönnum. Trump sagði að Leo páfi hefði eingöngu verið valinn af því að hann sé bandarískur og kaþólska kirkjan hefði talið hann bestan til að eiga við Donald J. Trump.Bandaríkjaforseti klykkti svo út með Leo ætti að gera betur sem páfi, beita almennri skynsemi, hætta að ganga erinda öfga vinstrisins og leggja áherslu á það að vera frábær páfi, ekki stjórnmálamaður. Þetta bitnar á honum og það sem meira er, þetta bitnar á kaþólsku kirkjunni,“ sagði Trump í færslu sinni.