Átak vegna minnkandi bílbeltanotkunar ungs fólks

Minnkandi bílbeltanotkun í aldurshópnum 18 til 24 ára mælist í árlegri viðhorfskönnun Samgöngustofu. Stofnunin hefur ráðist í átak til að stuðla að viðhorfsbreytingu.Í lok árs '24 þá sjáum við tölurnar þannig að þær öskra á viðbrögð,“ segir Gunnar Geir Gunnarsson, deildarstjóri öryggis- og fræðsludeildar Samgöngustofu.Við erum bara að sjá minnkandi beltanotkun hjá ungu fólki þannig að við erum að bregðast við þessari tölfræði að þetta eru svona má segja kannski á bilinu 10 til 15 prósent sem eiga það til að sleppa beltinu og það er eiginlega bara í okkar huga alltof mikið.“Fjórtánfalt líklegra sé að látast í bílslysi þegar bílbelti eru ekki notuð, segir Gunnar.Síðustu tuttugu ár hafa fleiri látist beltislausir heldur en í belti í innanbæjarslysum og þegar við sjáum að beltanotkunin er yfir 90 heilt yfir innanbæjar þá er það tiltölulega auðvelt reikningsdæmi og við fáum þennan fjórtánfalda mun.“Samgöngustofa hefur því ráðist í átak undir yfirskriftinni: Ekki gera þig að fífli.“ Gunnar segir að ákveðið hafi verið að reyna frekar að ná til unga fólksins með léttleika og húmor en fortölum og hræðsluáróðri.Við erum að sýna klesst andlit, sem sagt í rauninni hvað gerist ef þú klessist upp við framrúðuna beltislaus.